Pas jehonës së jashtëzakonshme të Plug and Play Tirana Expo 2025, ku inovacioni pushtoi zemrën e kryeqytetit, gjiganti global i inovacionit sapo ka hapur një thirrje të re.
Nëse ke një startup me ambicie që i kalojnë kufijtë e Ballkanit, ky është momenti yt. Plug and Play Tirana ka hapur zyrtarisht aplikimet për Kohortën e Dytë (Batch 2), duke kërkuar 20 startup-et e radhës që do të transformojnë ekosistemin teknologjik.
Çfarë ofron programi i ri?
Ky nuk është thjesht një trajnim; është një biletë hyrëse në “Ligën e Kampionëve” të teknologjisë. Nga qindra aplikime, vetëm 20 startup-e do të përzgjidhen për t’u bërë pjesë e këtij rrugëtimi që fillon në shkurt 2026.
Programi është dizajnuar për të qenë intensiv dhe transformues:
- 8 Bootcamp-e ku nuk bëhet fjalë vetëm për teori. Në çdo bootcamp do të jenë prezentë investitorë ndërkombëtarë dhe mentorë nga rrjeti global i Plug and Play. Struktura është dizajnuar si një rrugëtim i plotë 360-gradësh për pjekurinë e biznesit. Kurrikula nis nga bazat e zbulimit të klientit dhe zhvillimit të prototipit, thellohet në strategjitë unike të “Venture Clienting” dhe modelimit të biznesit, për të kulmuar me përgatitjen vendimtare për thithjen e investimeve dhe rafinimin final të “pitch-it”.
- Akses Global për startup-et të cilat do të kenë qasje në platformat e dedikuara të Plug and Play, duke u lidhur me mbi 500 korporata partnere në mbarë botën.
- Investime Potenciale si mundësia për të siguruar fonde direkte nga Plug and Play Ventures dhe më gjerë.
Rruga drejt Silicon Valley
Rrugëtimi në Tiranë do të kulmojë me Plug and Play Tirana Expo, e cila nuk është thjesht një ditë prezantimi, por testi final i pjekurisë së biznesit.
Startup-et do të kenë mundësinë “të shesin” vizionin e tyre përballë një audience të përbërë nga investitorë ndërkombëtarë, drejtues korporatash dhe liderë të industrisë. Është momenti ku networking-u kthehet në mundësi reale biznesi dhe ku idetë takohen me kapitalin.
10 startup-et më të mira do të fitojnë biletën për të fluturuar drejt Plug and Play Headquarters në Silicon Valley. Atje, ata do të ndjekin një program intensiv 6-javor dhe do të marrin pjesë në Silicon Valley Summit, eventi ku takohen më të mirët e industrisë së teknologjisë.
Pas kthimit nga eventi i këtij viti në Silicon Valley, Uranik Begu, Drejtor për Evropën Qëndrore dhe Lindore në Plug and Play, thotë:
Ishte vërtet frymëzuese të shihnim sesi ekipet nga Shqipëria dhe rajoni u prezantuan me profesionalizëm në skenat më të rëndësishme të inovacionit dhe krijuan bashkëpunime që vetëm pak vite më parë do të dukeshin të paarritshme. Besoj thellësisht se sa më të bashkuar të jemi si komunitet, aq më shumë mundësi u hapen sipërmarrësve tanë. Çdo startup që bëhet pjesë e këtij programi kontribuon në ndërtimin e një ekosistemi inovacioni që jo vetëm rritet, por edhe krijon histori të reja suksesi për Shqipërinë dhe mbarë rajonin.
Uranik Begu, Drejtor për Evropën Qëndrore dhe Lindore në Plug and Play
Pse duhet të aplikosh?
Faktet e batch 1 flasin vetë. Sapo jemi bërë dëshmitarë të suksesit të 10 startup-eve të para, të cilat sapo janë kthyer nga Silicon Valley, ku prezantuan idetë e tyre para botës.
Por lajmi më i madh: Investimi i parë historik. Gjatë kohortës së kaluar, Plug and Play realizoi investimin e parë direkt nga Silicon Valley në një startup shqiptar: Synaps. Ky investim shënon një pikë kthese për rajonin tonë dhe konfirmon se paratë dhe vëmendja ndërkombëtare janë tani në Tiranë. Synaps është vetëm fillimi pasi portofoli pritet të zgjerohet me emra të tjerë nga kohorta e parë, si dhe gjatë kohortës së dytë.
Detajet e Aplikimit
Mos e humb këtë mundësi unike për t’u bërë protagonist në historinë e inovacionit shqiptar. Aplikimet janë të hapura deri më 20 dhjetor 2025, ndërsa rrugëtimi transformues për startup-et e përzgjedhura starton zyrtarisht në shkurt 2026. Kjo aventurë, e cila nis në Tiranë dhe për më të mirët vazhdon deri në Silicon Valley, është vetëm një klikim larg.
Plug and Play Tirana është një degë e platformës globale Plug and Play Tech Center, me seli në Silicon Valley, e cila vepron në mbi 60 qytete në mbarë botën dhe mbështetet nga Fondacioni Shqiptaro-Amerikan për Zhvillim (AADF), në bashkëpunim me IN Groupe, Bashkinë e Tiranës, Piramida dhe Innovation Hub.
