Shikoni se si duket Humane Ai Pin në Paris Fashion Week

Erdhi momenti i Paris Fashion Week dhe Humane shfrytëzoi rastin për të prezantuar dhe pajisjen e re teknologjike Ai Pin.

Humane Ai Pin është një pajisje që deri më tani e kemi parë vetëm si siluetë në website-n e kompanisë ose i vendosur në xhepin e gjoksit të bashkë-themeluesit të Humane, Imran Chaudhri në një TED demo në fillim të këtij viti. Mirëpo kësaj here kjo pajisje ishte e veshur nga modelet e Coperni.

Kjo pajisje ka një pamje katrore me kënde të rrumbullakosura. Megjithatë, kjo paraqitje nuk i jep një përgjigje pyetjeve tona të shumta në lidhje me pajisjen, pasi askush nuk e ka përdorur atë në skenë me aq sa mund të kuptojmë, por të paktën dimë pamjen e jashtme të tyre.

Kompania e reklamon këtë produkt si një “pajisje inteligjente e pavarur me një platformë software-i që shfrytëzon fuqinë e Ai për të ofruar eksperienca invoative personale”. Ne ende nuk e kemi idenë e vërtetë se sa i pavarur është, nëse ka nevojë për përdorimin e aplikacione të palëve të treta ose si do të përdoret në përgjithësi.

Këto pyetje do të jenë të rëndësishme, veçanërisht me konkurrencën e mundshme që mund të vijë nga Jony Ive dhe OpenAI. Gjithsesi, këtu janë disa foto dhe video të tjera nga Paris Fashion Week, ku mund të shikojmë dhe Naomi Campbell-it që mban këtë pajisje në veshjen e saj.