Samsung Electronics prezantoi sot risitë e tij më të fundit në lidhje me pajisjet për shtëpinë. Gjatë konferencës për shtyp në IFA 2023, kompania theksoi se vizioni i saj për SmartThings është që t’u mundësojë konsumatorëve në të gjithë Europën t’u japin përparësi temave për të cilat ata kanë më shumë interes, duke nisur nga kursimi i energjisë, rritja e sigurisë dhe në ofrimin e argëtimit deri në bërjen e jetës së tyre të përditshme më efikase. Ekosistemi gjithnjë në zhivillim i SmartThings lejon 285 milionë përdoruesit e tij të përshtatin dhe personalizojnë pajisjet në shtëpitë e tyre duke i përshtatur me nevojat e tyre, nëpërmjet kontrollit të një aplikacioni.
Prania e Samsung në IFA 2023 ndan kërkime të reja që kompania ka kryer rreth konsumatorëve, të kryera në të gjithë Evropën për të kuptuar nevojat në zhvillim në lidhje me teknologjinë në shtëpi.
“Samsung është i përkushtuar pas përdoruesve të tij, vendet dhe argëtimet që kanë më shumë rëndësi për ta,” tha Benjamin Braun, Drejtor i Marketingut, Samsung Europe. “Ne do të vazhdojmë të përfitojmë nga mundësitë e ofruara të risive më të fundit në teknologji për t’u siguruar që ekosistemi SmartThings të rritet dhe të zhvillohet në një mënyrë që i lejon njerëzit të përshtasin nevojat e tyre.”
Përmirësimi i përvojave në shtëpi
Samsung zbulon një hulumtim të ri që demonstron dëshirat më të fundit të konsumatorëve në lidhje me aksesin e teknologjisë në shtëpi. Aplikacioni SmartThings u lejon përdoruesve të kontrollojnë shtëpitë e tyre nga kudo ndodhen, pa u shqetësuar, si dhe duke i mbajtur shtëpitë e tyre të sigurta. Në të gjithë Europën, shtëpia luan një role të rëndësishëm në aktiviteteve e përditëshme – nga zyrat tek vendet për relaksim dhe argëtim. Shtatë në dhjetë konsumatorë (71%) pajtohen me faktin se teknologjia ka një ndikim pozitiv në jetën e tyre të përditshme, duke përfshirë mënyrën se si ata ndërveprojnë me miqtë dhe familjen e tyre, madje edhe në kryerjen e punëve apo në shijimin e kohës së lirë.
Ata që janë të apasionuar pas ushqimit, tani mund të aksesojnë plotësisht Samsung Food, aplikacioni i ri gjithëpërfshirës për kërkimin, ruajtjen dhe ndarjen e recetave, planifikimin e vakteve, gatimin, madje dhe këshillat për blerjet ushqimore. I prezantuar në konferencën për shtyp, Samsung Food është i disponueshëm në 104 vende dhe tetë gjuhë, duke ju vënë në dispozicion recena të ndryshme nga çdo vend i botës mbi ushqimin, duke i fuqizuar ata të marrin vendimet e duhura për ushqimin, shëndetin dhe gatimin. Ai gjithashtu ndërlidhet me kuzhinat e përdoruesve, duke ju vënë në dijeni për kohën dhe temperaturën e duhur të furrës, për gatimin e recetave të propozuara. Me më shumë se 160,000 receta, gjithmonë do të ketë diçka të re për të gatuar.
Deri në fund të vitit, duke përdorur Food AI, Samsung Food do të ofrojë receta të personalizuara që pasqyrojnë kërkesat dietike të përdoruesve, të tilla si konvertimi i recetave në një version vegan në vetëm disa prekje. Në një përmirësim të mëtejshëm që pritet më vonë këtë vit, ai do të aksesohet nga Samsung Health në mënyrë që ushqimi të jetë i përshtatur me preferencat dhe kërkesat dietike, si dhe për të ndihmuar përdoruesit në arritjen e qëllimeve të tyre shëndetësore. Në vitin 2024, duke përdorur teknologjinë Vision AI, Samsung Food do të përdorë fotografitë e bëra nga vaktet e përdoruesve për të kontrolluar informacionin ushqyes, për të njohur përbërësit dhe për të rekomanduar recetat më të mira për ata.
Si marka numër një e televizorëve për 17 vjet me radhë, Samsung ka një angazhim të pakrahasueshëm në lidhje me argëtimin. Përpos lançimit të linjës së ekraneve të mëdha Neo QLED 8K dhe 4K Q80C 98” Samsung po planifikon të sjellë gamën e saj të plotë të ekraneve Micro LED në Evropë deri në fund të vitit, duke ofruar kontrast të jashtëzakonshëm dhe detaje mahnitësem, i cili i vendos shikuesit në qëndër të aksionit nëse jeni duke luajtur lojëra apo duke parë filma.
Me rastin e festimit të 100 vjetorit të Disney, Samsung ka njoftuar lançimin e The Frame – Disney100 Edition. Me një kornizë ekskluzive në metalin e argjendtë të platinit të firmës Disney 100 dhe një telekomandë unike të frymëzuar nga Mickey Mouse Disney. Ai gjithashtu vjen me 100 pjesë ikona të artit nga Walt Disney Animation Studios, Pixar Animation Studios, Marvel, Lucasfilm dhe National Geographic, si dhe imazhe klasike të Mickey, Minnie, Woody, Hirushja dhe shumë të tjerë. Përdoruesit gjithashtu mund të vendorin fotot e tyre familjare për një mjedis magjik në shtëpi.
Gjithashtu në konferencën për shtyp u njoftua lançimi i The Freestyle 2nd Gen. Ky projektor i gjithanshëm portativ ofron një përvojë të ekranit të madh kudo që përdoruesi zgjedh, madje edhe në tavan. Funksioni Smart Edge Blending ofron eksperienca të ekranit me peizazh dhe portret, që do të thotë se dy projektorë Freestyle të Gjeneratës së 2-të mund të ndërlidhet lehtësisht për të dhënë një përvojë shikimi 160″ panoramike dhe 120″ vertikale. Për më tepër, me akses të plotë në Samsung Gaming Hub, përdoruesit e Freestyle 2nd Gen mund të shijojnë lojërat më të fundit nga partnerët e transmetimit të Samsung.
Në bashkpunim me Xbox dhe Bethesda Softworks, loja mahnitëse Starfield mund të luhet përmes Samsung Gaming Hub me një anëtarësim në Xbox Game Pass Ultimate, pa pasur nevojë për një tastierë.
Ndërmarrja e hapave të vegjël për mbrojtjen e planetit
Samsung prezanton gjithmonë produkte dhe shërbime që i ndihmojnë njerëzit të kursejnë para dhe të ndërmarrin hapa për të mbrojtur planetin. Këto tema janë në fokus edhe për konsumatorët, mbi tre të katërtat e të anketuarve (77%) thonë se kërkojnë produkte teknologjike që kursejnë energji – jo vetëm për të kursyer para, por edhe për të mirën e mjedisit. Dy të tretat (67%) gjithashtu e konsiderojnë të rëndësishme që pajisja e tyre e ardhshme të mund të ndërlidhet me një aplikacion, i cili u lejon atyre të monitorojnë dhe të reduktojnë konsumin e tyre të energjisë.
Me rritjen e çmimeve të energjisë në të gjithë Europën, 72% e të anketuarve janë të shqetësuar për koston e situatëpërdorimit të pajisjeve në shtëpinë e tyre. Për këtë, SmartThings Energy mund t’i ndihmojë përdoruesit të optimizojnë energjinë e përdorur në pajisjet e tyre, duke iu përshtatur nevojave të tyre dhe duke reduktuar kështu përdorimin e tyre. Për shembull, AI Energy Mode në SmartThings Energy arrin të monitoroj dhe të reduktoj përdorimin e energjisë së makinës larëse deri në 70% duke përdorur Ecobubble për t’u larë me ujë të ftohtë, duke kursyer ujin e ngrohtë.
Samsung ka bashkëpunuar gjithashtu me organizatën globale të mbrojtjes së oqeanit Ocean Wise dhe prodhuesin e veshjeve Patagonia për të gjetur zgjidhje për çështjen e mbetjeve së mikrofibrave. Filtri Less Microfiber™ është një filtër i jashtëm i makinës larëse që redukton deri në 98% të emetimeve mikroplastike nga ciklet e larjes. Charlie Cox, Menaxher i Zgjidhjeve Mikroplastike në Ocean Wise tha në IFA: “Përmes bashkëpunimit tonë me Samsung dhe Patagonia, Ocean Wise është krenare që ka dëshmuar një mënyrë që industria të luajë rolin e saj në frenimin e hedhjeve së mikrofibrave në oqean. Nëpërmjet inovacioneve si Filtri Less Microfiber™, që mund të zvogëlojnë gjurmën e prezencës së mikrofibrave në shtëpi. Është një zgjidhje e thjeshtë dhe e përditshme për të cilën oqeanet tona do të na falënderojnë.”
Teknologjia e ngrohjes së ajrit te uji, përfaqëson një treg me rritje të shpejtë dhe Samsung është në krye të këtij zhvillimi. Kjo teknologji inovative, që përdorë si burim ajrin, falë pompës së nxehtësisë ofron kosto të ulët operimi dhe gjithashtu, kanë një rritje me 97% në shitje që nga viti 2022. Kjo teknologji funksionon me ujin e grumbulluar të instaluar më parë në shtëpinë tuaj, duke ju mundësuar ujit të nxehtë, ose me ClimateHub të Samsung, për ta bërë shtëpinë tuaj komode gjatë gjithë vitit, pavarësisht nga moti. Ata gjithashtu mund të lidhen me ekosistemin SmartThings, kështu që përdorimi i tyre i energjisë mund të monitorohet dhe përshtatet me mjedisin e preferuar të përdoruesit. Shtesa më e fundit në gamën e saj të zgjidhjeve të pompave të nxehtësisë me temperaturë të lartë, është EHS Mono R290, e cila do të lançohet në shtator.
Samsung po evoluon vazhdimisht pasi synon të projektojë teknologji që i ndihmon njerëzit të shfrytëzojnë sa më shumë ditën e tyre duke ndërmarrë hapa të vegjël për të reduktuar ndikimin tonë mjedisor. Galaxy Z Flip5 dhe ZFold5 dhe seria Galaxy Tab S9 përmbajnë një shumëllojshmëri materialesh të ricikluara, duke përfshirë aluminin e ricikluar, qelqin dhe plastikën me burim nga rrjetat e peshkimit të hedhura në oqean, fuçi uji edhe shishe . Edhe seritë Galaxy Watch6 përfshijnë plastikë të ricikluar. Të gjitha këto pajisje Galaxy vijnë me një kuti paketimi me material letre të ricikluar.
Siguria e shtëpisë tuaj
Samsung beson se siguria që teknologjia inteligjente ofron, mund të zgjasë ndër breza. Siguria ishte gjithashtu një temë e shfaqur nga hulumtimi i kryer, ku si përfitimet kryesore të sigurisë të teknologjisë inteligjente shihen, mbajtja në kontroll e shtëpisë së përdoruesve ndërkohë që nuk janë aty (54%), ndihen më të sigurt kur janë vetëm në shtëpi (39%) dhe mbajtja e familjes së tyre të sigurt kur janë jashtë shtëpisë (39%).
Ekosistemi SmartThings përfshin një sërë partnerësh të cilët janë të përkushtuar të ndihmojnë njerëzit të mbajnë shtëpitë dhe të dashurit e tyre të sigurt. Për këtë, Yale një markë lider në sigurinë e shtëpisë, ofron kyçje inteligjente të dyerve. Kyçja inteligjente Yale Linus® dhe Smart Opener për Gate & Garage mundësojnë mbylljen e dyerve dhe portave nga distanca nëpërmjet një aplikacioni, duke ju dhuruar siguri dhe rehati në çdo kohë.
Eksploroni të ardhmen përmes teknologjisë inteligjente
Samsung ka investuar për të dhuruar te konsumatorët një të ardhme të ndërtuar rreth mundësive që teknologjia mund të ofrojë. Një fushë që synon të sjellë ndryshime është që të rrisë disponueshmërinë e teknologjisë në shtëpitë e konsumatorëve. Nga studimi i kryer, tregon se një e katërta e europianëve e konsiderojnë përfshirjen e teknologjisë inteligjente si një faktor kyç në dëshirueshmërinë e shtëpisë së tyre të ardhshme dhe mbi tre të katërtat e të anketuarve thanë se shtëpitë inteligjente janë gjithashtu më funksionale dhe tërheqëse (77%).
Për këtë, Samsung po punon për t’i bërë këto mundësi realitet dhe beson në fuqinë e bashkëpunimit kur vjen puna për të çuar përpara këtë vizion. Duke bashkëpunuar me ABB Smart Buildings dhe SMA, një nga ofruesit kryesorë në botë të teknologjisë së sistemeve fotovoltaike dhe ruajtjes, ai shpreson të rrisë rolin që shtëpisë ka te njerëzit duke implementuar mundësitë e teknologjisë inteligjente në shtëpi përpara se ato të blihen. Duke integruar produktet ABB dhe SMA në SmartThings Energy, shtëpitë mund të bëhen edhe më të sigurta, më të inovativedhe më të qëndrueshme. Për shembull, aftësia për të funksionuar pajisjet në kohën optimale, gjurmimi i përdorimit të energjisë për të rregulluar konsumin bazuar në çmimet e energjisë dhe modelet e përdorimit apo optimizimi i përdorimit të energjisë bazuar në prodhimin e energjisë diellore.
