Me sa duket gushti do të jetë muaji perfekt për të gjithë personat që pëlqejnë shikimin e qiellit gjatë natës, pasi gjatë këtij muaji do të kemi si rrallë herë 2 hëna të plota, të cilat do të jenë shumë pranë planetit tonë.
Hëna e parë e plotë do të jetë gjatë ditës së sotme, me datë 1 gusht, ndërkohë që tjetra do të plotësohet në datën 30 gusht dhe do të quhet “Superhëna Blu”. Ne njerëzit pëlqejmë që gjërat tona të jenë sa më të rregullta, dhe cikli hënor është pothuajse i rregullt. Orbita e saj është pothuajse rrethore dhe ne zakonisht kemi 12 hëna të plota në një vit, por ndonjëherë numri mund të shkojë në 13.
Kjo hënë e 13 e plotë këtë vit quhet Superhëna Blu, mirëpo cila prej tyre do të konsiderohet si jo e zakonshme? Përkufizimi i parë i këtij fenomeni erdhi nga edicioni i vitit 1937 i Maine Farmer’s Almanac. Duke pasur parasysh se si fazat e Hënës janë përdorur historikisht për të ndihmuar bujqësinë, ata e përdorën termin për të përshkruar hënën e tretë të plotë në një stinë ku ka katër.
Përkufizimi tjetër shumë i njohur është hëna e dytë e plotë në një muaj kalendarik, që erdhi nga një keqkuptim i referencës origjinale të Almanakut nga J.H. Pruitt në një botim të vitit 1946 të revistës amerikane Sky and Telescope.
Një fenomen i tillë pritet që të ndodhë sërisht vetëm në vitin 2037.
