Alibaba ka vendosur që të ndajë biznesin në 6 grupe të ndryshme pasi dëshiron që të tregohet më i shpejtë në përshtatjen me ndryshimet në treg, duke rritur kështu dhe vlerën e këtyre bizneseve.
Ditën e martë Alibaba Group tregoi se 6 grupet e reja të biznesit do të jenë Cloud Intelligence Group, Taobao T mall Business Group, Local Services Group, Global Business Group, Cainiao Smart Logistics dhe Digital Media and Entertainment Group.
Secili prej këtyre grupeve do të grumbullojë një kapital të jashtëm si dhe do të kërkojnë ndihmë nga investitorë të ndryshëm, përveç Taobao Tmall Business Group, i cili do të zotërohet 100% nga Alibaba. Gjithashtu çdo grup do të menaxhohet në mënyrë të pavarur nga bordi i drejtuesve dhe CEO përkatës.
Cloud Intelligence Group do të përfshijë shërbimet cloud, AI dhe DingTalk.
Taobao Tmall Business Group do të përfshijë Taobao, Tmall, Taobao Deals, Taocaicai dhe 1688.com.
Local Services Group do të përfshijë Amap dhe Ele.me, ndërsa nën menaxhimin e Global Digital Business Group do të jetë Alibaba.com, Aliexpress, Trendyol dhe Daraz.
Ky ndryshim ka ndodhur fiks në periudhën kur themeluesi i Alibaba, Jack Ma, është rikthyer në Kinë pas disa muajsh. Ai është munduar të mos shfaqet shumë në publik pasi kritikoi publikisht qeverinë e Kinës dhe sistemet financiare të këtij shteti.
