Së shpejti pritet që të prezantohet një film i ri mbi suksesin e menjëhershëm të BlackBerry dhe mënyrën se si kjo kompani nuk arriti të shfrytëzonte avantazhin për të sfiduar kompanitë e tjera në treg si Apple apo Samsung.
Filmi “BlackBerry” cilësohet si një dramë dhe komedi njëherazi, ku personazhet kryesorë do të jenë yjet e kinematografisë Glenn Howerton dhe Jay Baruchel.
Në trailer-in e filmit mund të shikojmë se si nisi gjithçka në vitin 1996 kur bashkëthemeluesit Mike Lazaridis (Baruchel) dhe Douglas Freign (Matt Johnson) paraqesin idenë e krijimit të një pajisje që kombinon rolin e telefonit dhe email-eve drejt investitorit Jim Balsillie (Howerton).
Kjo pajisje do të mund të punonte nëpërmjet sinjalit wireless falas në Amerikën Veriore, një teknologji që Freign e quan ndryshe “forca” në filmin që pritet të vijë drejt teatrove në 12 maj.
Në histori trajtohet miqësia mes tyre, prezantimi i BlackBerry-t të parë si dhe humbja e dominancës në treg kundrejt Apple dhe Samsung.
“Kjo nuk është një përrallë mbi falimentimin e një biznesi modern nga mashtrimi dhe lakmia. Shkëlqimi dhe rënia e BlackBerry zbulon shpejtësinë e rrezikshme me të cilën inovatorët luftojnë në superstradën e informacionit.” lexohet në përshkrimin e filmit.
Matt Johnson është regjizori i këtij filmi, i cili merr dhe vetë pjesë në film në rolin e Freign.
