Anija kozmike që NASA përplasi me dëshirë në një asteroid bëri të mundur që ky asteroid të ndryshonte orbitën e tij natyrale. NASA ka lajmëruar se kjo është hera e parë në histori që njerëzit arrijnë të ndryshojnë trajektoren e një trupi qiellor.
“Ky është një moment shumë i veçantë për sa i përket mbrojtjes planetare dhe njerëzimit.” tha drejtuesi i NASA, Bill Nelson. “Ky mision tregon se NASA po përpiqet të përgatitet për gjithçka që universi mund të na hedhë para.”
Mbikëqyrjet me teleskop tregojnë se fluturimi testues i anijes kozmike DART në datën 26 shtator ndryshoi drejtimin e asteroidit përmes forcës kinetike të transmetuar. Double Asteroid Redirection Test – një projekt që kushtoi në total $330 milionë – është sistemi i parë i dizenjuar për mbrojtjen planetare, për të parandaluar në të ardhmen një përplasje të një meteori me Tokën.
CONFIRMED: Analysis of data obtained over the past 2 weeks by the #DARTMission team shows impact with Dimorphos has successfully altered the asteroid’s orbit by 32 minutes – marking the 1st time humans have changed the orbit of a celestial object in space! https://t.co/MjmUAFwVSO pic.twitter.com/4Qiy1mC4gK
— NASA Asteroid Watch (@AsteroidWatch) October 11, 2022
Qëllimi i misionit ishte që anija kozmike DART të fluturonte drejtpërdrejt asteroidit Dimorphos me një shpejtësi prej 22,500 km/h, duke gjeneruar një forcë të mjaftueshme për të ndryshuar trajektoren e lëvizjes të këtij asteroid më pranë “asteroidit mëmë”, Didymos.
Shkencëtarët parashikuan se dhe një ndryshim i vogël prej 73 sekondash do të quhej i suksesshëm, mirëpo në të vërtetë ky impakt shkaktoi një shkurtim prej 32 minutash në trajektoren e asteroidit. Me pak fjalë ky testim ishte shumë i suksesshëm.
