Email-et e zbuluara në çështjen antitrust të Departamentit të Drejtësisë kundër Google, të raportuara për herë të parë nga Business Insider, tregojnë se drejtuesit e Microsoft shprehin alarmin dhe zilinë ndaj potencialit që Google do të kishte pas zhvillimit të inteligjencës artificiale.
Kjo nxiti një urgjencë që çoi në investimin fillestar prej miliarda dollarësh të prodhuesit të Windows në partnerin e tij tashmë të domosdoshëm, OpenAI. Në një email të dërguar në vitin 2019 të titulluar “Mendime mbi OpenAI“, CEO i Microsoft, Satya Nadella i përcjell një mesazh të gjatë nga CTO Kevin Scott tek CFO, Amy Hood.
“Email shumë i mirë që shpjegon, pse dua që ne ta bëjmë këtë,” shkroi Nadella. Scott shkroi se ai ishte “shumë, shumë i shqetësuar” për aftësitë e inteligjencës artificiale që po zhvilloheshin shumë shpjet nga Google.
Ai thotë se fillimisht nuk u shqetësua nga modeli AlphaGo i Google, por me kalimin e kohës kuptoi se ishte gabuar. “Dhe ndërsa kërkova për të kuptuar se diferencat e aftësive midis nesh dhe Google për trajnimin e modeleve, u shqetësova shumë, shumë.”
“Ne jemi shumë vite prapa konkurrencës për sa i përket shkallës së mësimit të makinerive,” shkruan Scott në emailin e tij të 12 qershorit 2019, drejtuar Nadella dhe Gates. Ai detajon se si iu deshën gjashtë muaj inxhinierëve të Microsoft për të përsëritur modelin e gjuhës BERT të Google dhe për ta trajnuar atë “sepse infrastruktura jonë nuk ishte në lartësinë e duhur“.
Microsoft tani ka investuar më shumë se $13 miliardë në OpenAI, duke shtuar modelet e tij të AI në aplikacionet Office, motorin e tij të kërkimit Bing, Edge dhe madje edhe brenda sistemit të tij operativ Ëindoës. Kjo gjë e ka ndihmuar Microsoft-in të shihet më shumë si një lider në AI, në vend që të ngecë prapa siç kishte frikë pesë vjet më parë.
