Më herët gjatë këtij muaji, Apple tregoi se iOS 16.1 do të aktivizojë një shërbim të ri të quajtur Live Activities, i cili do të lejojë përdoruesit e iPhone të mbeten të informuar mbi gjërat që po ndodhin në kohë reale, si përshembull rezultatet e një ndeshjeje apo vendndodhja e ushqimeve që keni porositur në mënyrë direkte nga lock screen. Në modelet iPhone 14 Pro dhe 14 Pro Max, Live Activities mund të integrohen gjithashtu në Dynamic Island.
Gjatë një ndeshje të Premier League, për shembull, Dynamic Island tregon rezultatin që rifreskohet live me numrin e golave të shënuar nga secila skuadër. Nëse Dynamic Island mbahet shtypur, atëherë ai jep më tepër informacion mbi aksionin që po zhvillohet.
Kur iPhone 14 Pro është i kyçur, rezultati shfaqet në një widget në Lock Screen. Në modelet jo pro të iPhone-ve, Live Activities janë të limituara vetëm në Lock Screen.
Për të testuar këtë shërbim me një iPhone në iOS 16.1 beta, hapni aplikacionin TV dhe klikoni në butonin “Follow” për një ndeshje të suportuar. Në fillim, Apple tregon se ky shërbim do të jetë i pranishëm në lojrat MLB në SHBA, Meksikë, Kanada, Mbretërinë e Bashkuar, Brazil, Japoni dhe Korenë e Jugut, ndërkohë që rezultatet e Premier League do të jenë të aksesueshme vetëm nga përdoruesit në Kanada dhe SHBA.
Apple tregon se versioni iOS 16.1 stabël do të vijë në iPhone më vonë gjatë këtij viti.
