Mbretëria e Bashkuar mund të gjobisë TikTok me $29 milionë pas kryerjes së hetimeve që zbuluan se platforma mund të ketë shkelur ligjin vendas duke mos arritur të mbrojë privatësinë e fëmijëve që e përdorin këtë aplikacion.
Pas publikimit të të dhënave të hetimit kuptohet se TikTok mund të ketë proçesuar të dhënat e fëmijëve nën 13 vjeç pa marrë lejen e nevojshme nga prindërit dhe nuk arriti të ofronte informacion në mënyrë transparente ndaj këtyre përdoruesve.
“Kompanitë që ofrojnë shërbime dixhitale kanë një detyrë ligjore që të ndërmarrin këto hapa mbrojtëse, mirëpo nga pamja provizore që kemi kuptojmë se TikTok nuk arriti t’i përmbushë këto kërkesa,” tha Komisioneri i Informacionit John Edwards.
“Ndërkohë që ne respektojmë rolin e ICO-së në mbrojtjen e privatësisë në Mbretërinë e Bashkuar, ne nuk jemi dakord me pamjet paraprake të shprehura dhe synojmë t’i përgjigjemi ICO në kohën e duhur,” shtoi ai.
ICO sugjeroi se TikTok shkeli ligjin e Mbretërisë së Bashkuar për mbrojtjen e të dhënave nga maji i 2018 deri në korrik të 2020.
