Vodafone Albania ka inauguruar dyqanin më të ri te Piramida, qendra më e madhe e inovacionit dhe një nga pikat referuese historike të kryeqytetit. Dyqani i ri ka një koncept krejt inovator në përputhje me profilin e Vodafone Albania si lider në teknologji dhe transformim digjital. Ekipi i Geek Room pati mundësinë të vizitonte Vodafone Tech Store dhe shpenzoi disa orë në dyqanin më cool në Tiranë.
I ftuar në këtë event special, Ahmed Essam, Drejtori për Tregun e Evropës së Grupit Vodafone, u shpreh se në këtë rikthim të tij në Shqipëri pas shtatë vjetësh, gjeti një qytet të ri, më të zhvilluar, modern dhe inovator.
Çelsi i inovacionit janë njerëzit; janë ata që e kanë bërë realitet të gjithë këtë. Dua të falenderoj partnerin tonë AADF dhe Bashkinë Tiranë për bashkëpunimin në hapjen jo vetëm të këtij dyqani, por edhe të nëntë dyqaneve të tjera që ofrojnë eksperiencën më të mirë për klientët Vodafone.
Ahmed Essam, Drejtori për Tregun e Evropës së Grupit Vodafone
Përveçse do të ofrojë një eksperiencë unike për klientin që është objektivi kryesor i çdo dyqani Vodafone, Vodafone Piramida shkon përtej konceptit tradicional të një dyqani dhe ofron edhe shërbime ekskluzive unike dhe që vijnë për herë të parë në Shqipëri.
Brendet frymëzuese nuk dallohen për produktet por për njerëzit, ndaj dhe ne jemi shumë përzgjedhës kur vjen puna te partnerët që na shoqërojnë në rrugëtimin tonë si partner digjitalë të Piramidës së Tiranës. AADF-ja është një ndër ta me një partneritet të gjatë të shtrirë në kohë, në përpjekjen e përbashkët për të kontribuar për qytetin, për të nxitur sipërmarrjen, punësimin dhe rritjen ekonomike të Shqipërisë.
Vodafone Albania
Njëri nga drejtuesit e Fondacionit AADF, zoti Martin Mata, tha se si gjithmonë, gjërat e mëdha që fillojnë si një “ëndërr e pamundur” kanë shumë potencial të bëhen realitet për shkak të kësaj energjie, vizionit dhe ideve.
Sot Piramida është vendi që ndikon ndjeshëm në të ardhmen e fëmijëve. Arsyeja përse ne e kemi forcuar partneritetin midis Vodafone, AADF dhe Piramidës është sepse besojmë që këto vende janë vende shprese, ndryshimi, vende ku ëndrrat bëhen realitet dhe që kanë një ndikim pozitiv në jetën e fëmijëve, nipërve dhe mbesave tona. Mendoj se gjëja më e rëndësishme e partneritetit tonë është vizioni që Vodafone dhe AADF ndajnë për të ardhmen.
Martin Mata, Drejtues i Fondacionit AADF
Ekipi i Geek Room pati mundësinë të vizitonte Vodafone Tech Store dhe shpenzoi disa orë në dyqanin më cool në Tiranë. Ajo që na pëlqeu më shumë ishte këndi i Vodafone FLEX, ku mund të blesh smartphonin që dëshiron me çmim shumë të leverdisshëm, duke e kombinuar me paketat Vodafone, madje e merr edhe me këste. Dyqani ofron oferta të dedikuara që nuk i gjen askund tjetër, një tjetër arsye për të eksploruar këtë hapësirë.
Gjithashtu, na pëlqeu shumë këndi i “Shtëpia Jonë” ku mund të shihje të gjitha kanalet e paketave të Vodafone TV, kombinime me internetin fiks apo modele të ndryshme modemash që mund t’i instalosh në shtëpi. Për ata që kanë një biznes, këndi i dedikuar për zgjidhje biznesi, pajisje dhe IoT ofronte gjithçka që ju nevojitet.
Në dyqan gjenden edhe aksesorët e duhur për smartphonin tënd, console dhe lojëra të ndryshme, si dhe një kënd të dedikuar për produkte tech për fëmijë.
Këndi i ri i Vodafone Albania te Piramida e Tiranës sapo ka hapur dyert, të cilat do të qëndrojnë gjithmonë të hapura për të rinjtë dhe njerëzit më energjikë, krijues dhe inovatorë të kryeqytetit. Një fole idesh, ndryshimi dhe transformimi digjital, por mbi të gjitha, një hapësirë që përmbush objektivin kryesor të Vodafone: të ofrojë përvojën më të mirë për klientët e saj besnikë!
