Bashkë themeluesi i Apple, Steve Wozniak tregoi shqetësimin e tij se inteligjenca artificiale do ta bëjë më të vështirë zbulimin e mashtrimeve apo informacioneve të gabuara në internet. Për këtë arsye ai i bëri thirrje të gjithë liderave në industri që të vendosin rregulla të reja për të parandaluar këtë fenomen.
“Inteligjenca artificiale është aq inteligjente sa që është e hapur për të gjithë personat me qëllime të këqija apo ata që dëshirojnë t’ju mashtrojnë.” tregoi ai për BBC. Sipas tij industria duhet të vendosë standarde të larta në zhvillimin e sistemeve AI, por dyshon se një gjë e tillë nuk do të ndodhë.
Që nga lançimi i ChatGPT vitin e kaluar, kompanitë kanë prezantuar sisteme të ndryshme AI të cilat mund të bëjnë veprime të ndryshme si përshembull shkrimi i një kodi, planifikimi i pushimeve, shkruajtja e poezive apo përgjigjja ndaj të gjitha pyetjeve që ju keni.
Megjithatë në muajin mars, më tepër se 1,000 drejtues të këtë industri, duke përfshirë këtu Steve Wozniak dhe Elon Musk firmosën një letër të hapur ku kërkonin ndalimin e zhvillimit të sistemeve të reja AI deri sa të studiohen dhe të mësohen aftësitë e vërteta të këtyre sistemeve të fuqishme.
