Mbretëria e Bashkuar ka një plan për të ndaluar të gjithë personat që kalojnë në autostradë që të mos hedhin mbeturina direkt nga dritarja e makinës së tyre. Ata kanë vendosur që të instalojnë kamera të fuqizuara nga inteligjenca artificiale gjatë javëve në vijim të cilat do të bëjnë të mundur identifikimin e personave të cilët hedhin mbeturina dhe ndotin autostradën.
Me sa duket kjo shkelje do të dënohet me një gjobë deri në $126. Kjo iniciativë ka nisur si pjesë e një projekti nga National Highways, një organizatë që merret me mirëmbajtjen dhe përmirësimin e rrugëve kryesore.
Kamerat do të jenë në gjendje të dërgojnë fotografi automatikisht drejt forcave zbatuese të ligjit, duke i shpëtuar policët nga qindra orë shikimi regjistrimesh në CCTV. Fillimisht këto kamera do të instalohen në pjesën jug-lindore të Anglisë.
Gjatë kohëve të fundit është rritur shumë shqetësimi për sa i përket mbindotjes së autostradave. Grupi Clean Up Britain tha në shkurt të këtij viti se do të merrte masa ligjore kundër National Highways nëse situata me mbetjet në autostradë nuk do të përmirësohej.
John Read, themeluesi i Clean Up Britain, tregoi për Telegraph se dhe kjo iniciativë e re është një tjetër metodë jo efektive që në teori duket shumë e saktë por që në të vërtetë nuk do të funksionojë.
