Krijimi i diamanteve nga plastika mund të duket si një film fantastiko-shkencor, mirëpo kjo gjë është arritur në një laborator të vërtetë.
Ky zbulim i madh tregon se në disa nga planetët e sistemit tonë diellor mund të kenë shtresa të shumta me materialin e çmuar përreth bërthamave të tyre. “Shiu me diamante” mendohet prej shumë kohësh se ekziston thellë nën sipërfaqjen e Uranit dhe Neptunit, si rezultat i prezencës së karbonit me hidrogjenin në ambiente me presion të lartë.
Studiuesit nga Gjermania përdorën lazerin e SLAC National Accelerator Laboratory për të imituar ambientin e gjendur në thellësinë e këtyre planetëve, duke krijuar valë goditje në plastikë përmes një lazeri optik të fuqishëm.
Nano diamantet e krijuara në kesperiment mund të ndihmojnë studiuesit të kuptojnë akoma më mirë fuzionit nuklear, i cili përfshin bashkimin e atomeve të hidrogjenit për të krijuar helium.
“Kur unë passhë rezultatin e këtij eksperimenti, kuptova se ishte një ndër momentet më të mira të karrierës sime shkencore” tha Dominik Kraus. Diamantet u krijuan për vetëm një fraksion të sekondit, kur valët e goditjes u kombinuan me presionin dhe temperaturën e duhur që lejoi materialin të krijojë molekulat e polistirenit, që ka një strukturë të ngjashme me përbërjen kimike që gjendet në Neptun dhe Uran.
