Samsung Electronics prezantoi linjën më të avancuar ndonjëherë të monitorëve gaming Odyssey, duke sjellë pesë modele të reja që shtyjnë kufijtë e rezolucionit, shpejtësisë së rifreskimit dhe performancës vizuale mbresëlënëse. Në krye të kësaj linje qëndron monitori i parë 6K 3D Odyssey G9 nga Samsung, ndërsa gama për vitin 2026 prezanton teknologji revolucionare të ekranit, të dizajnuara për gamerë dhe krijues përmbajtjeje, përfshirë gjeneratën e re të modelit Odyssey G6 dhe tre modele të reja nga seria Odyssey G8.
“Me linjën e këtij viti të monitorëve Odyssey, po prezantojmë përvoja vizuale që edhe një vit më parë ishin të paimagjinueshme,” u shpreh Hun Lee, Zëvendëspresident Ekzekutiv i Divizionit të Ekraneve Vizuale (VD) në Samsung Electronics. “Nga monitori i parë 6K 3D pa nevojë për syze në industri, deri te shpejtësia revolucionare e rifreskimit prej 1.040 Hz, këta monitorë janë krijuar për të përmbushur ambiciet e lojtarëve të sotëm dhe për të ofruar një nivel gjithëpërfshirës që transformon rrënjësisht mënyrën se si përmbajtja shfaqet dhe funksionon në ekran.”
Odyssey 3D: Monitori i parë gaming 3D në botë pa nevojën e syzeve
Odyssey 3D 32-inç (modeli G90XH) përfaqëson ekranin e parë 6K në botë me shfaqje 3D pa përdorimin e syzeve, duke prezantuar një mënyrë krejtësisht të re të përjetimit të lojërave në monitor. Falë gjurmimit të shikimit në kohë reale, thellësia dhe perspektiva përshtaten me pozicionin e shikuesit, duke krijuar një, ndjesi të thellë hapësire për gaming të pandërprerë, pa nevojë për kufje apo pajisje shtesë. Me rezolucion 6K, shpejtësi rifreskimi prej 165Hz e përmirësuar në 330Hz përmes Dual Mode dhe kohë reagimi prej 1ms GtG, aksioni i shpejtë mbetet i mprehtë dhe i rrjedhshëm. Lojtarët mund të shijojnë një përzgjedhje të pasur titujsh të mbështetur me cilësi të lartë, me efekte 3D të optimizuara, të zhvilluara në bashkëpunim me studiot e zhvillimit të lojërave. Tituj si The First Berserker: Khazan, Lies of P: Overture dhe Stellar Blade ofrojnë dimensione shtesë që përmirëson paraqitjen e terrenit, thellësinë dhe ndarjen e objekteve, duke tejkaluar mundësitë e gaming-ut klasik 2D.
Odyssey G6: Monitori i parë me shpejtësi rifreskimi 1.040 Hz për gaming të shpejtë
Monitori gaming Odyssey G6 27-inç (modeli G60H) i çon lojrat konkurruese në një nivel më të lartë si monitori i parë në botë me shpejtësi rifreskimi 1.040 Hz me Dual Mode dhe mbështetje native QHD deri në 600 Hz. Kjo teknologji mundëson qartësi të lëvizjes në nivel e-sporti, duke i ndihmuar lojtarët të ndjekin me saktësi objektivat dhe të dallojnë edhe detajet më të imta në shpejtësi të larta lëvizjeje. Kur është e nevojshme, Odyssey G6 mund të rrisë menjëherë performancën, duke ofruar rezolucion ultra të mprehtë për t’u mundësuar përdoruesve të përjetojnë botë mbresëlënëse dhe shpejtësi ekstreme që nxisin adrenalinën konkurruese. Me mbështetje për AMD FreeSync Premium dhe NVIDIA G-Sync Compatible, Odyssey G6 siguron që çdo kornizë të jetë e rrjedhshme, çdo ngjyrë të spikasë dhe çdo moment të reagojë me saktësi.
Odyssey G8: Opsione me rezolucion të lartë në 6K, 5K dhe version OLED
Seria Odyssey G8 zgjerohet në vitin 2026 me tre modele të ndryshëm, secili prej të cilëve ofron një ekuilibër unik midis rezolucionit dhe shpejtësisë. Në qendër të linjës qëndron Odyssey G8 32-inç (modeli G80HS), monitori i parë gaming 6K në industri, që ofron shpejtësi rifreskimi native 165 Hz, ndërsa Dual Mode mundëson rritjen deri në 330 Hz në mënyrën 3K.
Për përdoruesit që kërkojnë kontrast më të thellë, Odyssey OLED G8 32-inç (modeli G80SH) kombinon panelin 4K QD-OLED me rifreskim 240Hz, pa shkëlqim, dritë 300 nit dhe certifikim VESA DisplayHDR™ True Black 500. DisplayPort-i i tij 2.1 (UHBR20) mbështet gjerësinë e bandës deri në 80Gbps për riprodhim të përsosur HDR dhe VRR.
AMD FreeSync Premium Pro dhe NVIDIA G-Sync mbështeten në të tre modelet për performancë të qëndrueshme pa copëzim. Secili model G8 ofron fleksibilitet për gamerët dhe krijuesit, qoftë që ata preferojnë hapësirë të madhe pune për krijim, detaje më të mprehta për botë zhytëse, apo kontrast të pasur për vizuale kinematografike.
Sipas të dhënave të kompanisë IDC, Samsung është udhëheqës në tregun global të monitorëve gaming me shpejtësi rifreskimi mbi 144 Hz, me një pjesë të ardhurash prej 18.8%. Me prezantimin e linjës së re Odyssey, kompania është në rrugën për të mbajtur këtë pozicion për vitin e shtatë radhazi.
E gjithë linja Odyssey për vitin 2026 do të prezantohet në panairin CES 2026 në Las Vegas, nga 6 deri më 9 janar, ku vizitorët do të kenë mundësi të provojnë drejtpërdrejt ekranet e reja.
| Model | Madhësia | Rezolucioni | Paneli | Shpejtësia e rifreskimit | Dual Mode | Lidhjet | Veçori shtesë |
| Odyssey 3D (Model: G90XH) | 32” | 6K (6.144 x 3.456) | IPS | 165Hz | 330Hz (Dual Mode 3K) | HDMI2.1. DP2.1 | 3D bez naočala, praćenje očiju, 2D→3D konverzija |
| Odyssey G6 (Model: G60H) | 27” | QHD (2.560 x 1.440) | IPS | 600Hz | 1,040Hz (Dual Mode HD) | HDMI2.1. DP 2.1 | FreeSync Premium Pro, G-Sync Compatible, HDR10+ Gaming |
| Odyssey G8 (Model: G80HS) | 32” | 6K (6.144 x 3.456) | IPS | 165Hz | 330Hz (Dual Mode 3K) | HDMI2.1. DP2.1 | |
| Odyssey G8 (Model: G80HF) | 27” | 5K (5.120 x 2.880) | IPS | 180Hz | 360Hz (Dual Mode QHD) | HDMI2.1. DP2.1 | |
| Odyssey OLED G8 (Model: G80SH) | 32” | 4K (3.840 x 2.160) | QD-OLED | 240Hz | 240Hz | HDMI2.1. DP2.1 (UHBR20), USB-C(98W) | Glare Free, VESA DisplayHDR TrueBlack 500, HDR10+ Gaming |
