Pas kolapsimit të menjëhershëm të TerraUSD, vlerat e disa stablecoins të tjera (vlerat e të cilave janë të lidhura me dollarin) kanë filluar të hasin probleme.
Monedha DEI nga Deus Finance tashmë po tregtohet në vlerat 66 cent, ku pika më e ulët prej 52 cent u regjistrua ditën e hënë në mëngjes. Megjithatë, ndryshe nga Terra, vlera e DEI duket se është në gjendje më të mirë.
Monedha Terra humbi lidhjen e saj me dollarin, e cila më pas çoi në inflacionin masiv të monedhës shoqëruese Luna. Kjo gjë shkaktoi ngrirjen e Terra blockchain, dhe shumica e pikave të këmbimit e hoqën Terra nga lista e tyre. Rezultati i arritur çoi në një humbje të besimit në stablecoins, të cilat shiheshin më parë si gjëja “më e qëndrueshme” në botën e kriptomonedhave.
Për sa i përket Deus, duket se ekziston një plan për të rikthyer DEI sërisht në vlerën $1. Përmes një postimi ditën e dielë, një anëtar i organizatës tha se Deus do të nisë shitjen e bonove të thesarit. Përdoruesit do të vendosin diçka në kolateral dhe të përfitojnë një bono që mund të shfrytëzohet si 1 DEI për $1 vlerë kolaterali.
Sigurisht që Deus premton dhe të paguajë interesa për këto bono që përdoruesit do të marrin.
