Me versionin më të fundit të iOS, ju mund të lokalizoni iPhone-in tuaj dhe kur ai është i fikur. Kjo gjë është e mundur sepse dhe pasi smartphone-i juaj fiket, disa nga proçesorët vazhdojnë të punojnë, duke dërguar sinjale rreth vendndodhjes së pajisjes.
Tashmë një grup studiuesish nga Technical University of Darmstadt kanë zbuluar se një nga këto proçesorë, ai që aktivizon Bluetooth, mund të shfrytëzohet për të instaluar një malware në smartphone, dhe kur ky i fundit është i fikur.
Për momentin nuk ekzistojnë prova se ky sulm është përdorur më parë nga hakera të tjerë, por studiuesit i bënë publike zbulimet e tyre në asrXiv. Megjithatë ekipi tregoi se hakerave do t’i duhet të bëjnë jailbreak një iPhone më parë për të aksesuar proçesorin e Bluetooth dhe për ta shfrytëzuar atë.
“Low-Power Mode është një shërbim që duhet të konsiderohet i rrezikshëm nga personat e shënjestruar si gazetarët, pasi nëpërmjet tij mund të aksesohen të dhënat e tyre.”
Ryan Duff, një security researcher me eksperiencë në iOS, tregoi se ky sulm i përshkruar nga studiuesit në Technical University of Darmstadt do të shërbente si një “add-on” për një malware ekzistues. Pra ai nuk mund të operojë si një sulm i vetëm.
