Apple do të largohet gradualisht nga plani për të prezantuar çdo vit produkte të reja, siç bëhet e ditur nga një raportim i ri në Bloomberg.
Kompania historikisht ka prezantuar versione të reja të softuerit gjatë WWDC në qershor, një event që ndiqet më pas nga prezantimi i pajisjeve në shtator dhe tetor, përkatësisht iPhone, iPad dhe iMac.
Sipas Bloomberg, produktet e Apple janë përmirësuar deri në atë pikë sa është e pamundur për të ofruar përmirësime të konsiderueshme të produkteve pas çdo viti. Kompania ofron gjithashtu AirPods dhe Apple Watches, këto të fundit vijnë në madhësi të ndryshme.
Një gamë kaq e gjërë e produkteve do të thotë se “ka disa produkte – të tilla si Apple Watch Ultra ose iPhone SE – që nuk kanë nevojë të përditësohen aq shpesh,” vëren Bloomberg. Publikimi vuri në dukje se Apple ka filluar të devijojë nga ky plan gjatë dy viteve të fundit, së pari duke lançuar HomePod në janar 2023, i ndjekur nga MacBook Air 15 inç në qershor të po atij viti. Kompania zbuloi gjithashtu iPad të rinj majin e kaluar.
Të paktën një nga arsyet që Apple thuhet se po shkon jashtë planit është për shkak të vështirësisë së jo vetëm përmirësimit të harduerit, por edhe presionit për të ofruar përditësime të reja të softuerit në flotën e saj të programeve, duke përfshirë iOS, macOS, visionOS, watchOS, tvOS dhe iPadOS. Kompania ka zhvilluar një model jo shumë të përshtatshëm, ku veçoritë prezantohen para se të jenë plotësisht të gatshme, për t’i bërë ato të aksesueshme më pas në një datë të mëvonshme, sipas Bloomberg.
