Leica njihet në të gjithë botën për kamerat e mira që prodhon, mirëpo me sa duket kompania ka si qëllim të zhvillohet dhe në tregje të tjera përveç kamerave. Tregu i rradhës ku Leica do tentojë të përfshihet është ai i TV.
Në bashkëpunim me Hisense, Leica ka zhvilluar TV e parë me lazer të kompanisë. Nga ana tjetër Hisense shet prej kohës TV me lazer si përshembull Laser TV 120L9-Pro, ose projektorë me rreze të shkurtra lazeri si PX1-Pro. Këto produkte të Hisense kushtojnë rreth $4,000, pra dhe përpjekjet e para të Leica nuk pritet të jenë shumë të lira.
Në të njejtën deklaratë për shtyp, Leica lajmëroi se ky TV me lazer do të quhet Leica Cine 1. Gjatë deklaratës u bë i ditur vetëm dizajni i TV, ndërsa shërbimet që vijnë me të dhe çmimi mbetën të paditura.
Kompania shpreson të prezantojë Lieca Cine 1 në eventin IFA 2022 në Berlin në shtator.
Geek Room dhe Neptun do të jenë të pranishëm këtë vit në eventin më të madh të teknologjisë në Evropë. Mos humbisni asnjë produkt të ri, mjafton të na ndiqni në Instagram në datat 2-4 shtator.
