Kur ju përdorni website-in e ChatGPT, chatbot i gjeneron përgjigjet vetëm nga njohuritë e ruajtura në serverat e brendshme të kompanisë. Mirëpo tashmë kjo gjë ka ndryshuar.
OpenAI prezantoi ditën e djeshme aftësinë më të re të ChatGPT për të lexuar informacione në web, duke përfshirë këtu dhe informacionet më të reja për t’ju ndihmuar në kërkesat tuaja.
ChatGPT can now browse the web ? pic.twitter.com/qzODjYvbNq
— Marc Köhlbrugge (@marckohlbrugge) March 23, 2023
Ky shërbim premton ta bëjë ChatGPT akoma dhe më të aftë, duke qenë se programi është trajnuar me njohuritë publike deri në shtator të vitit 2021. Tashmë ju mund të bëni pyetje për eventet aktuale, dhe AI chatbot do t’ju përgjigjet.
Kjo gjë nënkupton se ChatGPT mund të kërkojë informacione në internet për ju dhe t’i analizojë ato. Një demo të këtij shërbimi mund ta shikojmë përmes videos së mëposhtme, ku tregohet ChatGPT duke lexuar lajmet më të reja rreth saj dhe duke përmbledhur pikat kryesore të ngjarjeve.
Plugins for summarizing the response to a launch: pic.twitter.com/C6457eqRIk
— Greg Brockman (@gdb) March 23, 2023
Aftësia e kërkimit në internet është bërë e mundur përmes suportit të ri të ChatGPT për plugins. OpenAI krijoi dy plugins, një për broeser-in dhe një të dytë që përkthen komandat në kod kompjuterik në gjuhën Python.
Gjithashtu OpenAI ftoi dhe shërbimet e palëve të treta të krijonin plugins të tyre për ChatGPT. Megjithatë ju duhet të bëni kujdes gjatë përdorimit të këtyre plugins, pasi mund të gjenerojnë përgjigje të gabuara.
