OpenAI dëshiron të përfshihet dhe në industrinë e filmave. Startup i inteligjencës artificiale ka planifikuar takime në Los Anxhelos javën e ardhshme me studiot e Hollywood, drejtuesit e mediave dhe agjencitë e talenteve për të krijuar partneritete në industrinë e argëtimit dhe për të inkurajuar kineastët që të integrojnë gjeneruesin e ri të videove AI, Sora, në punën e tyre.
Në fund të shkurtit, OpenAI planifikoi biseda prezantuese në Hollywood të udhëhequr nga Shefi Operativ Brad Lightcap. Së bashku me disa kolegë të tij, Lightcap demonstroi aftësitë e Sora, një shërbim i ri i papublikuar që mund të gjenerojë video me pamje realiste të gjata deri në një minutë bazuar në kërkesat e tekstit nga përdoruesit. Ditë më vonë, Shefi Ekzekutiv i OpenAI, Sam Altman mori pjesë në festa në Los Anxhelos gjatë fundjavës së Academy Awards.
Prodhuesi i ChatGPT prezantoi Sora për herë të parë në shkurt përmes një seri klipesh me definicion të lartë që tërhoqën menjëherë vëmendjen e Hollywood dhe Silicon Valley. Sora nuk është ende e disponueshme për publikun, por OpenAI tashmë u ka dhënë akses disa aktorëve dhe regjisorëve me emër.
“OpenAI ka një strategji për të punuar në bashkëpunim me industrinë përmes një procesi të vendosjes përsëritëse – duke shpalosur përparimet e AI– në mënyrë që të sigurojë zbatim të sigurt dhe t’u japë njerëzve një ide për atë që është në horizont”, tha një zëdhënës i OpenAI. në një deklaratë. “Ne presim një dialog të vazhdueshëm me artistët dhe krijuesit.”
AI është një temë përçarëse në Hollywood. Skenaristët dhe aktorët hynë në grevë vitin e kaluar pjesërisht për të siguruar një mbrojtje me përdorimin e teknologjisë në industrinë e filmave. Të dy sindikatat siguruan më vonë disa masa mbrojtëse për mënyrën se si AI përdoret në këtë industri.
