NVIDIA mund të ketë një zgjidhje për të gjitha rastet kur ju lexoni chat-in gjatë një livestream-it tuaj ose shpërqëndroheni nga shënimet gjatë një prezantimi. Kompania ka rifreskuar software-in Broadcast me një shërbim të ri të quajtur Eye Contact, e cila në mënyrë të ngjashme me FaceTime në Apple, “rregullon shikimin tuaj” duke e mbajtur atë të fokusuar në kamera.
Ky shërbim ruan ngjyrën tuaj të syve dhe hapjet e mbylljet e tyre, si dhe ndryshon automatikisht në një pamje dixhitale të syve tuaj në rast se ju shikoni shumë larg jashtë kameras.
Zhvilluesit treguan se ky shërbim nuk është tërësisht gati, pasi ka me miliona raste ku ngjyra e syve ndryshon në varësi të ndriçimit dhe kompania nuk mund t’i testojë këto raste ende.
Gjithashtu Broadcast ofron dhe një efekt “vignette” që ul ndriçimin në këndet e pamjes që kamera kap. Shërbimet Existing Blur, Replacement dhe Remove Virtual Background duhet të jenë akoma dhe më të sakta falë shtimit të disa të dhënave të reja që ndihmojnë AI të marrë vendime të zgjuara.
Për të përdorur Broadcast ju duhet të përdorni një kartë grafike GeForce RTX 2060 dhe të keni 8GB RAM. NVIDIA rekomandon përdorimin e një proçesori i5-8600 ose Ryzen 5 2600.
