Një ekip studiuesish nga Department of Experimental Psychology në University College London morën në pyetje 200 meshkuj nga mosha 18-74 vjeç dhe nga rezultatet ato arritën të gjenin një “lidhje psikologjike të zakontë” midis meshkujve që drejtonin makina të shpejta sportive dhe penisëve të vegjël.
“Në këtë eksperiment, ne manipuluam mendimin e meshkujve në lidhje me madhësinë e tyre të penisit në raport me të tjerët,” lexohet në studimin “Small Penises and Fast Cars: Evidence of a Psychological link”.
“Ne i dhamë atyre informacione të gabuara, ku tregonim se madhësia mesatare e penisit ishte më e madhe se ç’është në të vërtetë, duke i bërë këtë djem të ndiheshin se madhësia e penisit të tyre ishte më e vogël.”
Më pas studiuesit i pyetën personat disa pyetje të tjera në lidhje me produkte të ndryshme dhe ndjesinë që ato i jepnin, ku midis tyre gjendej dhe një pyetje në lidhje me dëshirën që kishin për të patur një makinë sportive.
“Zbuluam se meshkujt, kryesisht ato mbi 30 vjeç, i cilësuan makinat sportive si një produkt shumë të dëshiruar kur u bënë të besonin se madhësia e penisit të tyre ishte nën mesatare.” tregohet në studim.
Megjithatë është e rëndësishme të tregojmë se autorët pranojnë që këto rezultate ngrejnë pyetje intriguese për studimet në të ardhmen.
