Astronautët të cilët jetojnë për një periudhë të caktuar në International Space Station kanë arritur të riciklojnë 98% të urinës së tyre në ujë, duke reduktuar kështu nevojat për ujë të secilit personi në bord.
Kjo është një arritje e rëndësishme për misionet hapësinore në orbitën e ulët të Tokës të cilat duhet të ofrojnë nevojat minimale të astronautëve pa patur misione rifurnizimi. Në ISS, për secilin person në bord duhen rreth rreth 3.7 litra ujë për çdo person në ditë për të pirë, përgatitur ushqime si dhe për higjienën e tyre.
“Ky është një hap shumë i rëndësishëm në drejt përmirësimit të sistemeve mbështetëse të jetës,” tha Christopher Brown në një deklaratë. “Le të themi se ju niseni nga Toka me 100kg ujë. Ju humbni vetëm 2kg nga kjo sasi, ndërkohë që 98% tjetër vazhdon të riciklohet.”
Arritja e riciklimit të ujit në ISS u arrit nga sistemi Enviromental Control and Life Support System (ECLSS) gjatë një demonstrimi të versionit të përmirësuar të Urine Processor Assembly (UPA), e cila rikuperon ujin nga urina përmes distilimit në vakum.
ECLSS përbëhet nga një kombinim hardware-sh të ndryshëm, të cilët mbledhin ujin e tepërt përmes pajisjeve të caktuara nga ajri i ISS që përmban lagështirë nga fryma dhe djersa e astronautëve. Më pas i gjithë uji i ricikluar mbildhet në një vend të caktuar.
