Një grup prej më tepër se 80 ministrash në Parlamentin Evropain kanë kërkuar në KE të përfshijnë dhe shtetet e Ballkanit Perëndimor në zonën Free Roaming.
Përmes një letre drejtuar Ursula von der Leyen, ministrat tregojnë se shtetet e Ballkanit Perëndimor e kanë vërtetuar se janë partnerë të besueshëm të BE, dhe se me rekomandimin në tetor të KE për dhënien e statusit si kandidad për Bosnje dhe Hercegovinën “është arritur një tjetër moment historik në politikat e zgjerimit të BE”.
“Ne i bëjmë thirrje Komisionit Evropain të prezantojë shumë shpejt një plan që ka si qëllim t’i japë fund planeve shumë të shtrenjta roaming midis BE dhe Ballkanit Perëndimor, duke zgjeruar kështu zonën Free-Roaming në përfitim të qytetarëve Evropainë. Kjo është koha për të vepruar.” shkruhet në letër.
Ministrat e Parlamentit Evropian thonë se kjo lëvizje duhet të vijë pas adresimit të Von der Leyen në 14 shtator ku ajo bëri thirrje për të shtuar Ukrainën në zonën Free-Roaming. “Ndërkohë që ju keni mbështetjen e plotë në këtë nismë, ne dëshirojmë gjithashtu që të tërheqim vëmendjen për një tjetër rajon evropain që meriton të përfitojë nga Free-Roaming, të cilët janë shtetet e Ballkanit Perëndimor.”
Thomas Waitz bëri thirrje gjithashtu që Komisioni të kontribuojë në integrimin më të fortë duke krijuar zonën Free-Roaming në Evropë që përfshin dhe Ballkanin Perëndimor.
