Përmes një rishikimi të publikuar në revistën Sports Engineering, studiuesit kanë treguar se mungesa e një veshje specifike të dizenjuar për femra mund të ndikojë në sigurinë dhe performancën e futbollisteve në fushë.
Në studimin e ri janë të përfshirë një ekip global akademikësh, praktikantësh si dhe kapitenia e ekipit kombëtar të Anglisë Leah Williamson, e cila publikoi 10 pyetje për të theksuar progresin minimal të bërë në teknologjinë e futbollisteve profesionale dhe sfidat ekzistuese që pengojnë krijimin e veshjeve të dizenjuara për femra.
Asnjë prodhues i madh nuk ka investuar për të krijuar këpucë të veçanta që i përshtaten femrave. Këpucët e futbollit nuk arrijnë të diferencojnë faktin e këmbët e femrave janë më ndryshe se ato të meshkujve në formë dhe madhësi. Kjo gjë nënkupton se veshja e këpucëve të krijuara për meshkuj nga femrat mund të krijojë fraktura nga sforcimi për të gjitha futbollistet profesioniste.
Shumica e studimeve mbi këpucët është bazuar në mënyrë se si meshkujt vrapojnë, ndërkohë që femrat vrapojnë ndryshe. Një tjetër pyetje e ngritur është ngjyra e pantallonave të shkurtra. Disa futbolliste kanë treguar se nuk kanë arritur të përqëndrohen në ndeshje siç duhet kur kishin veshje të bardha për shkak të shqetësimit se mos ekspozohen në TV me shkepje, shenja të djersës apo njolla menstruale.
Gjithashtu, autorët tregojnë se futbollistet femra detyrohen të veshin sutjena të ofruara nga sponsorët në vend të sutjenave sportive të dizenjuara për fizikun e tyre, duke rritur kështu diskomfortin.
