Një raportim nga mediat koreane sugjeron se Meta do të bashkëpunojë me LG për të krijuar një pasardhës të headset-it flagship Quest Pro në 2025. Gazeta Maeil Business shkruan se Meta ka arritur një marrëveshje për një sipërmarrje të përbashkët me LG. Mendohet se Headset-i i ri do të ketë një çmim prej rreth $2,000 dhe do të përdorin ekrane nga LG, si dhe pjesë të tjera nga filialet e LG si LG Innotek.
Gazeta Maeil Business gjithashtu pretendon se Meta do të lëshojë një headset të ri Quest në vitin 2024 që mund të kushtojë nën $200. Kjo shifër do të ishte një rënie e madhe çmimi për konsumatorët; Quest 2 shitet për $299 pasi Meta u përpoq shkurtimisht të rriste çmimin, dhe Quest 3 i ardhshëm u njoftua me $499.
Raporti thotë gjithashtu se headset-i flagship do të quhet “Meta Quest 4 Pro“. Çmimi $2,000 do të ishte rreth dyfishi i çmimit të Quest Pro të prodhuar nga Meta, i cili u lançua me $1,499 dhe më pas ra në $999 – por raporti sugjeron me besueshmëri se Meta do të reklamojë Quest-in e ri si një konkurent direkt i Vision Pro të Apple që kushton $3,499.
Dhe më parë Meta (atëherë Facebook) ka bashkëpunuar me kompani të ndryshme për të krijuar disa headsets si produkte të përbashkëta. Oculus Rift S mbante markën Lenovo, Oculus Go i nivelit të ulët u prodhua nga Xiaomi, dhe Samsung prodhoi celularin Gear VR.
