Një ekip inxhinierësh nga University of California, San Diego (UCSD) ka zhvilluar një ngjitës elektronik që mat nivelet e vitaminës C përmes djersës së majave të gishtave, pa pasur nevojë për gjak, laborator apo bateri. Pajisja fleksibël ngjitet në pjesën e jashtme të një gote ose shisheje dhe, kur përdoruesi e mban në dorë, mbledh sasi mikroskopike djersë. Brenda pak minutash, sistemi përdor përbërjet kimike të djersës për të gjeneruar energji, analizon nivelin e vitaminës C dhe e dërgon rezultatin në një kompjuter pranë përmes Bluetooth.
Studimi, i botuar në Biosensors and Bioelectronics, përfaqëson një hap drejt asaj që studiuesit e quajnë të ardhmja e pajisjeve të padukshme që monitorojnë shëndetin pa ndryshuar rutinën e përditshme. “Një gotë e zakonshme mund të kthehet në një sensor inteligjent që jep të dhëna për mirëqenien tuaj në kohë reale,” tha profesori Patrick Mercier, bashkëautor i studimit.
Testet laboratorike treguan se ngjitësi mund të matë me saktësi ndryshimet e vitaminës C pasi pjesëmarrësit morën suplemente ose pinë lëng portokalli, duke funksionuar për më shumë se dy orë vetëm me energjinë e gjeneruar nga djersa.
Sekreti i suksesit qëndron qelizënqë e shndërron djersën në energji elektrike për sensorin dhe qarkun elektronik të printuar, i cili transmeton të dhënat përmes Bluetooth Low Energy. Falë natyrës pa bateri dhe me kosto shumë të ulët (disa cent për njësi), teknologjia mund të bëhet e disponueshme globalisht, veçanërisht në zonat me burime të kufizuara.
Sipas bashkautorëve Mercier dhe Joseph Wang, kjo pajisje zgjeron kufijtë e teknologjisë së veshshme, duke e bërë të mundur monitorimin e përhershëm dhe pa mundim të shëndetit personal, thjesht duke mbajtur filxhanin e kafesë në dorë.
