Shkencëtarët kanë krijuar një kamera që shkrep imazhe me një shpejtësi kodimi prej 156.3 terahertz (THz) për pikselë individualë – ekuivalente me 156.3 trilion frames per second. E quajtur SCARF (Swept-Coded Aperture Real-Time Femtography), kjo kamera e nivelit shkencor mund të çojë në zbulime në fushat që studiojnë mikro-eventet shumë të shpejta që nuk regjistrohen dot as nga sensorët më të shtrenjtë shkencorë të sotëm.
SCARF ka regjistruar me sukses ndodhi ultra të shpejta si thithja në një gjysmëpërçues apo çmagnetizimi i një aliazhi metalik. Ky studim mund të hapë kufij të rinj në fusha të ndryshme si mekanika e valëve të goditjes ose zhvillimi i mjekësisë më efektive.
Udhëheqësi i ekipit ishte Profesor Jinyang Liang i Institutit Kombëtar të Institut national de la recherche scientifique (INRS). Ai është një pionier i njohur globalisht në fotografimin ultra të shpejtë, i cili bazohet në zbulimet e tij nga një studim i veçantë gjashtë vjet më parë. Studimi aktual u publikua në Nature, i përmbledhur në një njoftim për shtyp nga INRS.
Zakonisht, këto sisteme përdorin një qasje sekuenciale: regjistrojnë pamjet një nga një dhe i bashkojnë ato së bashku për të vëzhguar objektet në lëvizje. Por kjo qasje ka kufizime. “Për shembull, fenomene të tilla si ablacioni me lazer femtosekond, ndërveprimi i valëve goditëse me qelizat e gjalla dhe kaosi optik nuk mund të studiohen në këtë mënyrë,” tha Liang.
Në terma jashtëzakonisht të thjeshtuar, kjo do të thotë se kamera përdor një modalitet të quajtur computational imaging për të kapur informacionin hapësinor duke e lënë dritën të hyjë në sensorin e saj në kohë paksa të ndryshme. Mungesa e përpunimit të të dhënave hapësinore në moment është pjesë e asaj që bën të mundur që kamera të kapë ato impulse lazeri jashtëzakonisht të shpejta deri në 156.3 trilion herë në sekondë. Të dhënat e papërpunuara të imazheve mund të përpunohen më pas nga një algoritëm kompjuterik që deshifron hyrjet në kohë, duke transformuar secilën prej triliona imazheve në një pamje të plotë.
Ekipi e përshkruan SCARF si një kamera me kosto të ulët me konsum të ulët të energjisë dhe cilësi të lartë matjeje në krahasim me teknikat ekzistuese.