Atletet më të reja nga Nike të quajtura “Link” janë një ndër modelet më të veçanta të prodhuara nga kjo kompani gjatë muajve të fundit, për arsyen sepse në to nuk është përdorur asnjë ngjitës.
Atletet Link do të lançohen në muajin qershor dhe do të jenë pjesë e dy modeleve të reja të cilat tregojnë hapin inovativ të Nike mbi dizajnin e produkteve. Ato janë të ndërtuara nga 3 pjesë të ndryshme të cilat lidhen me njëra tjetrën si disa copëza pazëlli, duke mënjanuar kështu përdorimin e ngjitëseve.
Nga ana tjetër, Link Axis do të krijohet nga poliestër 100% i ricikluar në pjesën e sipërme, poliuretan termoplastik 100% i ricikluar në pjesën e poshtme dhe 20% në pjesën e dizajnit në formë kafazi, duke qenë kështu shumë miqësore me mjedisin.
Modeli Link pritet të dalë në shitje në muajin qershor për $225, ndërkohë që Link Axis (aktualisht po shfaqet në Vitra Design Museum në Gjermani) do të vijë në vitin 2023.
Zëvëndës presidenti i Nike, Darryl Matthews tha për WWD: “Ajo që ne shohim në përgjithësi është dëshira për të diskutuar disa nga konceptet më bazike si ajo që e përbën një atlete: si duket, si është krijuar dhe me çfarë produktesh është krijuar. Të dyja këto projekte demonstrojnë se si mendimi i tërthortë i dizajnit mund të na drejtojë në vende të reja.”
