Sipas një sondazhi të fundit është zbuluar se 90% e punonjësve mendojnë se AI (inteligjenca artificiale) po përmirëson produktivitetin e tyre. Një në katër persona përdor AI çdo ditë, dhe 73% e punëtorëve përdorin AI të paktën një herë në javë.
Sondazhi, i organizuar nga YouGov dhe Leapsome, ofron një pasqyrë të produktivitetit, kulturës dhe komunikimit në epokën e AI. Por AI po kërkohet të bëjë më shumë sesa thjesht të ndihmojë me efikasitetin në vendin e punës. Përveç produktivitetit në punë, AI po ndihmon miliona të gjejnë miqësi dhe më shumë, pasi platformat online dhe motorët e kërkimit ndihmojnë dhe në krijimin e marrëdhënieve artificiale.
Pas analizimit të 50 termave më të kërkuar në Google, AI Product Reviews zbuloi se ka mbi 73,000 kërkime çdo muaj për një chatbot që mundëson një marrëdhënieve. Nuk është për t’u habitur që kërkesa për “një të dashur AI” po udhëheq me numrin e lartë të kërkimeve.
Sipas wordstream.com, vëllimi mujor i kërkimit për “AI Girlfriend” është 49,500 klikime në muaj. Duket se një në pesë burra në aplikacionet e takimeve përdorin AI për të përmirësuar aftësitë e tyre të komunikimit.
Të dhënat e Google Trends tregojnë një rritje prej 2,400% në interesin e kërkimit për të dashurat AI. Si rezultat, ka shumë aplikacione që lançohen për të përmbushur interesin e njerëzve.
