December 03, 2022

Blue Origin humbet betejën gjyqësore me NASA për kontratën $2.9 miliardë të fituar nga SpaceX

Blue Origin humbet betejën gjyqësore me NASA për kontratën $2.9 miliardë të fituar nga SpaceX

Gjykata Federale Amerikane gjatë ditës së enjte dha vendimin në lidhje me betejën gjyqësore të nisur nga kompania e turizmit hapësinor e Jeff Bezos, Blue Origin.

Gjatë muajit prill NASA përzgjodhi SpaceX si kompaninë që do të realizonte programin Human Landing System, pasi ato bënë “një ofertë që NASA nuk mund ta refuzonte”, duke lënë jashtë Blue Origin dhe Dynetics. Blue Origin e kundërshtoi menjëherë këtë vendim dhe iu drejtua gjykatës për zgjidhjen e kësaj çështjeje, mirëpo kjo nuk ka sjellë rezultatin e pritur nga Jeff Bezos.

Gjyqtari Richard Hertling mbështeti vendimin e marë nga NASA duke i dhënë tashmë fund pritjes për nisjen e fazës përgatitore nga SpaceX. “Në të ardhmen do të ofrohen gjithnjë e më shumë mundësi për kompanitë që të bëhen partnerë të NASA nën programin Artemis të agjensisë.” Tha NASA në një deklaratë për shtyp.

 

 

Përmes Twitter-it Jeff Bezos u shpreh: “Nuk ishte ky rezultati që dëshironim, por ne respektojmë vendimin e gjykatës dhe i urojmë suksese NASA dhe SpaceX.” Kjo deklaratë nga Jeff Bezos na bën të mendojmë se ai është tërhequr nga kjo betejë gjyqësore dhe nuk do ta apelojë këtë vendim.

Nga ana tjetër Musk iu përgjigj një tweet-i të Michael Sheetz duke përdoru një fotografi nga filmi “Dredd” i 2012.

 

Friday, 05 November 2021 01:45 Last modified on Friday, 05 November 2021 11:12

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

 

 

Geek Room © 2019