Korea e Jugut tregon se do të ndërtojë një fabrikë të madhe për prodhimin e proçesorëve për kompjutera falë investimit gjigand prej $230 miliardë nga ana e Samsung. Ky plan u prezantua nga presidenti Yoon Suk Yeol ditën e mërkurë dhe më pas u konfirmua dhe nga Samsung.
“Ne do të ndërtojmë sistemin më të ri high-tech të prodhimit të proçesorëve gjysëmkonduktor në zonën metropolitane të Seoul-it duke u bazuar në një investim privat në shkallë të madhe prej pothuajse 300 trilion won korean.” tha presidenti i Koresë së Jugut. “Gjithashtu ne do të shndërrojmë këtë investim në qendrën më të madhe të prodhimit të proçesorëve në botë e cila lidhet me fabrikat e tjera ekzistuese.”
Nga deklaratat e qeverisë mësohet se fabrika do të ndërtohet në provincën e Gyeonggi dhe investimi do të përfundojë brenda një periudhe 20 vjeçare.
Për herë të parë Samsung ia prezantoi këtë plan qeverisë vendase në maj të vitit të kaluar, ku tregonte se mendonte të investonte $350 miliardë, duke krijuar dhjetëra mijra vende pune në këtë zonë. Fillimisht Samsung tregoi se në plan përfshihej biznesi i prodhimit të proçesorëve gjysëmkonduktorë si dhe produkteve biofarmaceutike.
Proçesorët e memories, të cilët kanë rezultuar një sukses i vërtetë për Samsung, do të vazhdojnë të mbeten në fokusin e kompanisë me zgjerimin e investimit të planifikuar.
