Clone Robotics, një kompani polake robotike, zbuloi arritjen e saj më të fundit: një bust humanoid të aftë për lëvizje të ngjashme me njeriun. Videoja demo tregon një robot në ngjyrë të bardhë, i cili duket sikur është gati për të fituar një rol në një film të frikshëm. Por nën veshjen e bardhë, inxhinieria e humanoidit është e mrekullueshme.
Kompani si Tesla kanë zbuluar robotë me dy këmbë që mund të kërcejnë dhe po përgatiten të ndihmojnë njerëzit me punët e përditshme. Por Clone Robotics nuk po përpiqet të ofrojë ndihmë shtëpiake. E themeluar në vitin 2021, kompania po punon në robotikën biomimetike, në të cilën robotët lëvizin me forcën dhe shkathtësinë e qenieve biologjike. Kompania ka zgjedhur një nga modelet më të vështira për t’u ndjekur – trupin e njeriut.
Shikoni nga afër lëvizjet e humanoidit për të ditur se për çfarë po flasim.
Torso Clone ka një skelet të lehtë që strehon komponentët dhe ofron mbështetje strukturore. Në video, Torso është i pajisur me formën e trupit të njeriut. I gjithë trupi është i mbuluar me lëkurë të bardhë për të mbrojtur komponentët elektronikë. Lëvizjet arrihen përmes një sistemi pompash dhe valvulash që qarkullojnë ujin me bateri. Torso ka një depozitë uji dhe përdor një sistem hidraulik për të shtyrë ujin nëpër tuba për të arritur përkuljen e nevojshme dhe për të aktivizuar tendinat për të përsëritur lëvizjet e muskujve.
Clone Robotics nuk synon t’i vendosë këto robotë në shtëpinë tuaj. Në vend të kësaj, robotët do të zëvendësojnë njerëzit në linjat industriale të montimit ose prodhimit pa humbur shkathtësinë dhe funksionin. Sistemet e tij mund të përdoren gjithashtu për të kryer punët që përfshijnë lëvizjen ose trajtimin e sendeve me duar.
Kompania po konsideron gjithashtu duart e saj robotike si një mjet mjekësor për rehabilitimin e pacientëve. Duke përdorur teknologjinw për të kontrolluar dorën nga distanca, pacientët mund të ndihmohen në rehabilitimin e tyre dhe të rifitojnë funksionin e muskujve. Nuk është e qartë nëse kompania synon të prodhojë një humanoid të plotë një ditë. Duke qenë se po përfshin dhe një kokë (siç shihet në këtë video), nuk do të ishte e largët dita kur një humanoid me shkathtësi muskulore si njeriu mund të bënte punët në vendin tonë.
