Një ndër sfidat më të mëdha me të cilat përballet një prind është përpjekja për të deshifruar të qarat e një të porsalinduri në mes të natës. A është foshnja e uritur? A ka dhimbje barku?
E vetmja gjë më e keqe sesa të ndihesh i pafuqishëm përballë situatave të tilla të pakuptueshme është të provosh gjithçka dhe të mos kesh ende idenë se çfarë nuk shkon apo si ta lehtësosh shqetësimin e foshnjës.
Për t’i ndihmuar prindërit të gjejnë paqen e mendjes dhe një gjumë më të qetë të natës, startup-i Cappella ka mbledhur një ekip inxhinierësh të MIT, Berkeley dhe Stanford për t’i ndihmuar prindërit të kuptojnë sa më mirë bebet e tyre. Ekipi zhvilloi një aplikacion që zbulon të qarat e bebeve dhe më pas i përkthen ato në mënyrë që prindërit të dinë se çfarë nuk shkon.
“Aplikacioni në thelb zëvendëson monitorin tuaj tradicional të foshnjës,” tha Apoline Deroche, themeluesi dhe CEO i Cappella. “Ai bën edhe shumë më tepër, dhe veçoria më e rëndësishme që kemi zhvilluar është se ne mund të përkthejmë të qarat e foshnjës .” Aplikacioni funksionon si një sistem me dy telefona. Njëri telefon është lënë pranë krevatit të foshnjës dhe tjetri mbahet nga prindërit. Kur foshnja bën zhurmë, aplikacioni përdor AI për të njohur të qarat për të treguar nëse i vogli është i uritur, i përgjumur, i parehatshëm apo edhe në dhimbje. Më pas i dërgon një njoftim prindit duke i informuar ata për ndjenjën, si dhe duke ofruar këshilla të personalizuara për të adresuar çdo problem.
Sipas Deroche, Cappella bashkëpunoi me spitalet për të trajnuar modelin machine-learning të aplikacionit. Fillimisht mblodhi mostra të të qarave të foshnjeve, ndërsa mjekët dhe infermierët do t’i etiketonin këto të qara bazuar në kontekstin, informacionin e njohur dhe shenjat vizuale.
Modeli i AI u trajnua në sasi të mëdha të këtyre të dhënave të etiketuara dhe më pas përdori formula komplekse matematikore për të klasifikuar të dhënat. Kur erdhi koha për të testuar inteligjencën artificiale me të qarat e foshnjave që nuk ishin pjesë e grupit të trajnimit, sistemi shkëlqeu. Deroche tha se AI mund të deshifronte të qarat e foshnjës më saktë se sa një person mesatar dhe madje mund të tejkalonte dhe aftëitë e profesionistëve.
