Më parë, investitorët e përditshëm që dëshironin të tregtonin kriptomonedha, në përgjithësi duhej të shkonin drejt shërbimeve që kryenin shkëmbime të kriptove, gjë që mund të përbënte një problem për njerëzit që nuk kanë shumë njohuri mbi Bitcoin.
Kjo ndryshoi të mërkurën kur rregullatorët federalë votuan që investitorët e zakonshëm amerikanë të mund të blejnë dhe shesin ETF të bitcoin në të njëjtën mënyrë që tregtojnë aksionet. Lëvizja e lehtëson investimin në bitcoin për një pjesë më të madhe të publikut amerikan, duke përfshirë investitorët e mundshëm që kurrë nuk e kuptuan plotësisht se çfarë është bitcoin ose si funksionon, e lëre më se si ta blejnë dhe ta shesin atë.
Votimi, i marrë nga U.S. Securities and Exchange Commissions, lejon shitjen e exchange-traded funds, ose ETF, për publikun.
ETF-të janë një mjet investimi i ngjashëm me një fond të përbashkët. Ato tregtohen në bursa dhe zakonisht gjurmojnë një indeks specifik ose “shportë” të aksioneve, obligacioneve ose mallrave. Ato funksionojnë si aksione, me çmime që ndryshojnë gjatë gjithë ditës së tregtimit, ndërsa fondet e përbashkëta tregtohen një herë në ditë me një çmim të vetëm.
Pritja për miratimin nga SEC rriti çmimin e bitcoin, i cili është jashtëzakonisht i paqëndrueshëm. Monedha tregtohej mbi $47,000 të enjten, sipas Coindesk, nga rreth $17,000 në fillim të vitit të kaluar. “Sot është një ditë monumentale në historinë e aseteve dixhitale,” tha Samir Kerbage në një deklaratë të cituar në The Ëall Street Journal.
ETF-të e reja do të listohen në Nasdaq, New York Stock Exchange dhe Chicago Board Options Exchange, sipas Reuters. Investimi në një ETF bitcoin do t’i lejojë investitorët të korrin fitime të mundshme nga bitcoin pa rreziqet që vijnë nga zotërimi i drejtpërdrejtë i bitcoin. Ekspertët e investimeve thonë se investimi në një ETF bitcoin do të jetë edhe më i lehtë dhe më i sigurt se blerja e bitcoin direkt.
Të zotërosh bitcoin drejtpërdrejt do të thotë ta ruash atë në një “portofol” dixhital. Përdorimi i portofolit nënkupton mbajtjen e çelësave të kalimit, vargjeve të koduara të shkronjave dhe numrave që mundësojnë transferimet e kriptove. Këto portofola mund të jenë objektiva tërheqës për hakerat dhe sistemit i mungon rregullimi federal.
