Sundar Pichai, CEO i Google iu është përgjigjur të gjitha kritikave të marra për zhvillimin e chatbot-it eksperimental Bard AI, duke premtuar se Google do të përmirësojë Bard së shpejti.
“Duket qartë se ne kemi krijuar modelet më të afta,” tregoi Pichai në një intervistë për The New York Times. “Shumë shpejt, ndoshta në momentin që ky podcast do të publikohet, ne do të përmirësojmë Bard me modelet tona më të afta PaLM, të cilat do të bëjnë që Bard AI të arsyetojë, të kodojë si dhe t’i përgjigjet problemeve matematikore më mirë. Pra, me pak fjalë, ju do ta shikoni progresin gjatë javës në vijim.”
Pichai theksoi gjithashtu se Bard po fuqizohet nga një version jo i mbingarkuar dhe efiçient i LaMDA, një model gjuhësor i fokusuar në gjenerimin e një dialogu. “Ne po na duket sikur po krahasojmë një Honda Civic që do të garojë kundër një makine më të fuqishme.” tha Pichai.
Nga ana tjetër PaLM është një model gjuhësor më i madh dhe Google pretendon se është më i aftë në zgjidhjen e detyrave të përditshme.
Për herë të parë Bard AI mund të aksesohej nga përdoruesit publik në datën 21 mars, por nuk arriti dot të tërhiqte të njejtën vëmendje si ChatGPT nga OpenAI. Deri në këtë moment Bard AI nuk ishte në nivelin e rivalëve për sa i përket nivelit të aftësive me të cilat ishte pajisur.
