Një aeroplan prototip tërësish elektrik nisi ditën e martë fluturimin e parë testues në Washington. Seattle Times raporton se nëse Federal Aviation Administration e çertifikon këtë aeroplan për transportimin e pasagjerëve, ai mund të jetë aeroplani komercial i parë tërësisht elektrik.
Ky aeroplan u krijua nga Eviation dhe ka një kapacitet për transportimin e 9 pasagjerëve dhe 2 pilotëve. Ai u ngrit nga liqeni Moses ditën e martë dhe u ul sërisht pas 8 minutash.
“Kjo është një histori,” tha presidenti dhe CEO i Eviation, Gregory Davis. “Ne nuk kemi parë një ndryshim në teknologjinë e shtytjes së avionëve që kur kaluam nga motori me piston në motorin me turbinë. Ishin vitet 1950 hera e fundit që ne kemi parë një inovacion tërësisht të ri në fushën e aviacionit.”
Qëllimi i kompanisë është që të tregojë se aeroplanë të tillë elektrikë janë në gjendje të fluturojnë në një lartësi prej 4,572 metrash. Aeroplani i dizenjuar nga inxhinierët në Washington dhe Izrael është fuqizuar nga 21,500 qeliza të vogla baterie.
Kjo teknologji bën të mundur që me vetëm 30 minuta karikim, aeroplani të jetë në gjendje të fluturojë 1 orë, rreth 815 kilometra dhe arrin shpejtësinë makismale prej 460 kilometrash më orë.
