IFA Berlin, një nga eventet më të vjetër në botë dedikuar teknologjisë, rikthehet këtë shtator për një tjetër edicion fantastik me mbi 1900 ekspozues.
Prej vitesh IFA përfaqëson eventin më të rëndësishëm teknologjik në Evropë duke e kthyer Berlinin në qytetin e prezantimit të produkteve të reja. Me fokus në teknologjinë e konsumit të përditshem, edhe ky edicion do të karakterizohet nga prezantime të reja në pajisjet e levizshmërisë, komunikimit, shëndetit, audios dhe mbi të gjitha të shtëpisë smart.
Shumë kompani të mirënjohura do të jenë pranishme në këtë event për të prezantuar produktet më inovative, me teknologji të cilat mund të shfaqen dhe për herë të parë në këtë eveniment.
Geek Room është i lumtur të konfirmojë se këtë vit rikthehemi për të tretën herë në IFA, së bashku me miqtë tanë të Neptun. Sot Neptun përfaqëson ekspozitorin më të madh të produkteve teknologjike në Shqipëri. Dhe jo vetëm kaq, Neptun është gjithashtu i pari kur flasim për pajisjet novatore në shtëpi. Nga televizorët smart tek frigoriferët me kamera të brendshme, të gjithë e dimë që në Neptun i gjejmë gjithmonë.
Këtë shtator ju do të jeni të parët që do të zbuloni risitë teknologjike. Geek Room dhe Neptun ju premtojnë materiale që nuk i keni parë ndonjëherë. Ju duhet vetëm të na ndiqni në Instagram në datat 1-3 shtator.
