Logitech po eksploron mundësitë e krijimit të një mouse që do ta përdorni për sa kohë të jeni gjallë, por për të mbajtur gjallë këtë kompani, do t’ju duhet të paguani një tarifë fikse çdo muaj.
Është shumë e lehtë ta shohësh këtë si një zgjidhje ekologjike, dhe veçanërisht për një firmë që thuhet se tani po synon të zgjerojë biznesin e saj dhe të përgjysmojë emëtimet e saj të karbonit. Megjithatë, është shumë e vështirë të bindësh klientët të bëjnë një zgjedhje të tillë, për të pasur vetëm 1 mouse gjatë gjithë jetës së tyre.
“Ditën tjetër, në Irlandë, në qendrën tonë të inovacionit atje, një nga anëtarët e ekipit tonë më tregoi një mouse të ‘përjetshëm’ duke e krahasuar atë me një orë,” tha CEO e Logitech Hanneke Faber. “Kjo është një orë e bukur [tha anëtari i ekipit], jo një orë super e shtrenjtë, por nuk kam në plan ta hedh kurrë atë orë.”
“Pra, pse do të flak mouse-in ose tastierën time nëse është një mouse me cilësi fantastike, i dizenjuar mirë dhe me softuer të veçantë?” vazhdoi Faber. “Krijimi i një mouse të përjetshëm është një nga gjërat që ne do të donim të arrinim.“
Dhe pse nga mënyra e të treguarit të Faber duket se kjo është thjesht një ide, Logitech ka krijuar tashmë një prototip. “Ishte pak më e rëndë, kishte softuer dhe shërbime të shkëlqyera që do t’i përditësojmë vazhdimisht dhe ishte i bukur,” tha Faber. “Kështu që unë nuk mendoj se ne jemi domosdoshmërisht shumë larg nga kjo.”
Sfida më e madhe për kompaninë mbetet modeli i biznesit sipas Faber. Ajo argumenton se softueri “është edhe më i rëndësishëm” se hardueri dhe se softueri i tij do të vazhdojë të përparojë.
Po ju a jeni të gatshëm të paguani një tarifë mujore për të përdorur një mouse Logitech përgjatë gjithë jetës suaj?
