Me prezantimin e afërt të Android 15 në datën 13 gusht, përdoruesit e telefonave inteligjentë Samsung po presin përshtatjen që kompania do të bëjë nëpërmjet One UI 7.0.
Deri më tani marka ka qenë një nga më të shpejtat në ofrimin e përditësimeve të Android përveç Google dhe pritet të jetë ndër të parat për të ofruar Android 15 në smartfonët e saj. Sidoqoftë, versioni i parë publik beta i One UI 7 i bazuar në Android 15 duhet të marrë pak më shumë kohë sesa mendohej fillimisht.
Beta e parë publike për One UI 7 bazuar në Android 15 fillimisht u përfol se do të dilte drejtpërdrejt këtë javë për familjen Samsung Galaxy S24. Megjithatë, jemi pothuajse në fund të javës dhe kjo nuk ka ndodhur ende. Informacionet e reja tregojnë se lançimi është shtyrë për në javën e tretë të gushtit.
Arsyeja e vonesës ka të bëjë me përditësimin One UI 6.1.1. Ai ende po vjen drejt Galaxy më të vjetër të palosshëm, tabletëve dhe disa telefonave inteligjentë të nivelit të lartë. Samsung dëshiron të fokusohet vetëm në një përditësim në të njëjtën kohë.
One UI 7 do të jetë një përditësim mjaft i madh, që vjen me një ridizenjim të madh të sistemit operativ. Sipas rrjedhjeve, ai do të ketë një panel të rinovuar të Quick Settings që është i ndarë nga njoftimet. Ai gjithashtu do të ketë qoshe më të rrumbullakosura në të gjithë ndërfaqen e përdoruesit, ikona të reja për aplikacionet Samsung dhe një dizajn të ri të home screen me statusin e karikimit të baterisë dhe shortcuts më të mëdha.
Aplikacioni i ri i kamerës duhet të lehtësojë gjërat për përdorim me një dorë dhe vendosjen më të përshtatshme për settings dhe modalitetet.
Si zakonisht, telefonat inteligjentë më të fundit të Samsung do të jenë të parët në linjë për versionin e ri One UI 7.0 beta. Thënë kështu, beta publike do të arrijë fillimisht Samsung Galaxy S24, Galaxy S24+ dhe Galaxy S24 Ultra. Galaxy Z Fold6 dhe Z Flip6 duhet të ndjekin shembullin si të radhës për One UI 7.
Programi Beta gjithashtu duhet të zgjerohet në telefonat inteligjentë të vjetër të nivelit të lartë si Samsung Galaxy S23, Galaxy S23 dhe Galaxy S23 Ultra. Mbetet për t’u parë nëse do të arrijë edhe smartfonët më të vjetër të palosshëm.
