Vdekjet vjetore të lidhura me temperaturat e larta ka të ngjarë të 5-fishohen deri në mesin e shekullit, nëse tendencat aktuale të temperaturës vazhdojnë dhe nuk ka përparim thelbësor në përshtatje, sipas një raporti të Lancet Countdown për Shëndetin dhe Ndryshimet Klimatike.
Thjeshtë valët e të nxehtit mund të çojnë në 524.9 milionë njerëz të tjerë që do të përjetojnë pasiguri ushqimore të moderuar deri në të rëndë në 2041-60, duke përkeqësuar rrezikun global të kequshqyerjes, tregon raporti.
Raporti parashikon më tej një përhapje të shtuar të sëmundjeve infektive kërcënuese për jetën deri në mesin e shekullit, me gjatësinë e vijës bregdetare të përshtatshme për patogjenët Vibrio që zgjerohet me 17-25%.
Më tej, vdekjet e lidhura me nxehtësinë tek njerëzit më të vjetër se 65 vjeç u rritën me 85% krahasuar me vitet 1990-2000. Raporti tha se kjo ishte “shumë më e lartë se rritja prej 38% që do të pritej nëse temperaturat nuk do të ndryshonin“. Pavarësisht rasteve të tilla, raporti i vitit 2023 zbuloi se bota “shpesh po lëviz në drejtimin e gabuar“, edhe pse raporti i Lancet Countdown i vitit 2022 theksoi një “mundësi për të përshpejtuar largimin nga karburantet fosile që dëmtojnë shëndetin në përgjigje të krizës globale të energjisë. “
Ritmi dhe shkalla e përpjekjeve zbutëse vazhdoi të ishte shumë larg atyre që kërkoheshin për të mbrojtur sigurinë e njerëzve, me politikat aktuale që e vënë botën në rrezik për një ngrohje potencialisht katastrofike prej 2.7 gradë Celsius deri në vitin 2100, paralajmëroi raporti.
