Tiparet unike të fytyrës së çdo personi mund të jenë ndikuar nga ajo që ka ngrënë nëna gjatë shtatzënisë, zbuloi një studim – me dieta të pasura me proteina që çojnë në hundë dhe nofulla më të gjera.
Ndryshimet delikate në pamjen e njerëzve, nga forma e kafkës së tyre deri te sasia e kërcit në hundë, krijohen në mitër nga gjenet e nxitura nga të ushqyerit. Sa më shumë proteina të konsumohet gjatë shtatzënisë, aq më aktive bëhen këto gjene, të njohura si ‘mTORC1’. Studiuesit thonë se kjo mund të ‘rregullojë’ pamjen e fytyrës së foshnjës duke ndryshuar gjatësinë e hundës dhe gjerësinë e vrimave të hundës, formën e faqeve dhe theksimin e nofullës. Ndërsa pamja themelore e fytyrës njerëzore përcaktohet nga gjenet e prindërve, vëllezërit e motrat shpesh duken krejt ndryshe, madje edhe binjakët ‘identikë’ nuk janë kurrë krejtësisht të njëjtë.
Arsyet e këtyre dallime delikate i kanë habitur prej kohësh shkencëtarët, por tani ata besojnë se dieta e nënës është pjesërisht përgjegjëse për pamjen e pasardhësve. Në një studim të botuar në Nature Communications, studiuesit ndërkombëtarë deklaruan: “Ne zbuluam se modifikimi i nivelit të proteinave në dietën e nënës rregullon aktivitetin e mTORC1, duke rezultuar në ndryshime delikate, por të dallueshme në formën kraniofaciale të embrioneve“.
Ata thanë se kjo çon në një ‘spektër’ të tipareve të ndryshme të fytyrës. Minjve shtatzëna dhe peshqve iu dhanë dieta të ndryshme dhe studiuesit zbuluan se ajo ndryshonte sinjalizimin mTORC1 në mitër, duke u dhënë pasardhësve të tyre karakteristika të veçanta të fytyrës.
U zbulua se dietat me sasi të larta proteinash shkaktojnë tipare të zmadhuara të fytyrës, me nofulla më të theksuara dhe kërc më të trashë të hundës. Megjithatë, ushqyerja e nënave me ushqime me më pak proteina çoi në fytyra të holla dhe tipare më të mprehta të fytyrës. Studiuesit thanë se fenomeni mund t’u japë disa kafshëve një avantazh bazuar në mjedisin në të cilin ato kanë lindur.
