Teoritë e tij mund të kenë revolucionarizuar mënyrën se si ne mendojmë për botën, por fytyra e Copernicus kishte humbur me kalimin e viteve. Nicolaus Copernicus, një astronom polak i lindur në 1473, revolucionarizoi studimin e planetëve duke sugjeruar se Toka rrotullohej rreth Diellit.
Asnjë pikturë e vetme e shkencëtarit të famshëm nuk u bë gjatë jetës së tij me autoportretin e tij të vetëm që u shkatërrua në një zjarr në 1597. Tani shkencëtarët kanë rindërtuar fytyrën e Copernicus, më shumë se 400 vjet pasi u pa për herë të fundit. Këto imazhe të pabesueshme na japin një paraqitje të shkurtër të një fytyre ‘të qetë’ që tregon astronomin ashtu siç dukej në kohën e vdekjes së tij në moshën 70 vjeçare në 1543.
Fytyra e Copernicus ka qenë një nga misteret e qëndrueshme në historinë e shkencës. Shkencëtari vizionar ishte i pari që propozoi modelin ‘heliocentrik’ të sistemit diellor, i cili e vendosi Diellin në qendër të sistemit diellor. Cicero Moraes, autor i studimit të ri, tha: ‘Një problem që përfshin figurat historike është të dish nëse portretet që vijnë deri në ditët e sotme janë të pajtueshme me individin e vërtetë.”
“Në rastin e Copernicus, për aq sa kam studiuar, nuk ka asnjë portret të paprekur që është pikturuar gjatë jetës së tij.” tha Moraes. Për t’i dhënë fund këtij misteri 400-vjeçar, Moraes rindërtoi në mënyrë dixhitale një fytyrë bazuar në atë që besohet të jetë kafka e Kopernikut. Këto mbetje u zbuluan në vitin 2005 nën Katedralen Frombork në Poloni ku Copernicus jetoi, punoi dhe vdiq.
Meqenëse nofulla mungonte, Moraes fillimisht përdori të dhënat e tomografisë kompjuterike për të rindërtuar se si do të dukej kafka e plotë. Moraes tha: “Pasi rindërtova kafkën e plotë, vazhdova me përafrimin e fytyrës. Kjo konsistonte në përdorimin e të dhënave të nxjerra nga matjet e individëve të gjallë për të arritur në një fytyrë që mund të ishte në përputhje me kafkën e punuar.”
Rikrijimi i fytyrës nga Moraes zbuloi një fytyrë që është jashtëzakonisht e ngjashme me portretet e mbijetuara të astronomit. Në veçanti, rindërtimi dixhital është një përputhje pothuajse perfekte me një nga portretet më të famshme të realizuara pas vdekjes së Copernicus.
