Geoffrey Hinton, i cili njihet si “kumbari i AI” së bashku me dy kolegë të tjerë, fitoi në vitin 2018 çmimin Turing për punën e tyre tepër të rëndësishme që vendosën bazat e suksesit të sotshëm të inteligjencës artificiale. Mirëpo ditën e djeshme ai tregoi se ndihet disi i penduar mbi punën e jetës së tij.
Ai dha dorëheqjen nga pozicioni i tij në Google në mënyrë që të fliste lirisht mbi rreziqet që AI sjell, siç tregohet në intervistën me The New York Times.
In the NYT today, Cade Metz implies that I left Google so that I could criticize Google. Actually, I left so that I could talk about the dangers of AI without considering how this impacts Google. Google has acted very responsibly.
— Geoffrey Hinton (@geoffreyhinton) May 1, 2023
“Unë e ngushëlloj veten me një arsyetim normal: nëse nuk do ta kisha bërë unë, do të ishte një person tjetër që do të zhvillonte AI.” tha Hinton, i cili ka punuar për më tepër se 1 dekadë në Google. “Është tepër e vështirë të shikosh se sa e vështirë është të pengosh palët e këqija nga përdorimi i këtij shërbimi për qëllime negative.”
Hinton njoftoi që para një muaji se do të largohej nga Google, duke folur drejtpërdrejt me Sundar Pichai. Ky akademik mjaft i rëndësishëm iu bashkua Google pasi blerjes së kompanisë së themeluar nga Hinton dhe 2 studentë të tij, të cilët sot janë shkencëtarë drejtues në OpenAI. Hinton dhe studentët e tij zhvilluan një rrjet që mësonte veten se si të identifikonte objekte të ndryshme, duke nisur nga lulet apo kafshët shtëpiake pas analizimit të mijëra fotografive.
Kjo punë çoi më pas në krijimin e ChatGPT dhe Google Bard.
