Ndryshimet klimatike, mund të bëjnë që çmimet e ushqimeve të rriten me 3.2% në vit, sipas një studimi të ri nga studiuesit në Gjermani. Ndërsa ndryshimi i klimës vazhdon të përkeqësohet, ky inflacion i çmimeve do të nënkuptojë se gjithnjë e më shumë njerëz në mbarë botën nuk do të kenë një dietë të larmishme apo të shëndetshme, ose nuk do të sigurojnë ushqim të mjaftueshëm.
Analiza e re tregon se ngrohja globale mund të shkaktojë rritje të inflacionit të çmimeve të ushqimeve me 0.9% – 3.2% në vit deri në vitin 2035. E njëjta ngrohje do të shkaktojë një rritje më të vogël të inflacionit të përgjithshëm (midis 0.3% – 1.2%), pra një përqindje më e madhe të ardhurave të familjes do të duhej të shpenzoheshin për blerjen e ushqimit.
Ky efekt do të ndihet në mbarë botën, si nga vendet me të ardhura të larta ashtu edhe nga ato me të ardhura të ulëta, por më tepër në Afrikë. Ashtu si me pasoja të tjera të ndryshme të ndryshimeve klimatike, Afrika do të ndikohet më keq, pavarësisht se kontribuon pak në shkaqet e saj.
Paneli Ndërqeveritar për Ndryshimet Klimatike e përshkruan Afrikën Perëndimore si një “pikë të nxehtë” të ndryshimeve klimatike, me modele që parashikojnë rritje ekstreme të temperaturave dhe reduktim të reshjeve. Me më shumë se gjysmën e popullsisë që varet drejtpërdrejt nga bujqësia e ushqyer me shi, Gana është veçanërisht e ndjeshme ndaj ndryshimeve klimatike.
Efektet e ndryshimeve klimatike që po shkaktojnë inflacionin tashmë po e bëjnë më të vështirë marrjen e ushqimit. Për shembull, temperaturat më të larta mund të shkaktojnë zhvendosje të sezoneve bujqësore të parashikuara për një kohë të gjatë dhe kështu mund të pengojnë prodhimin e të korrave.
Pasoja të tjera mund të përfshijnë më shumë shpërthime të sëmundjeve që dëmtojnë rezervat e bagëtisë dhe ushqimit, Të gjithë këta faktorë shtyjnë në rritjen e çmimeve dhe ulin fuqinë blerëse të familjeve të prekura.
