IPhone-ët e rinj supozohet të jenë më të qëndrueshëm se kurrë, dhe disa njerëz mund të dëshirojnë të shmangin përdorimin e xhamave mbrojtës dhe kasave për të shijuar telefonat ashtu siç janë.
Megjithatë testet e fortësisë së iPhone 16 Pro kanë mbërritur, me lajme të mira dhe të këqija. Po, xhami i përparmë i iPhone 16 duket të jetë më i qëndrueshëm. Por ende mund të thyhet, në varësi të mënyrës sesi telefoni bie kur bie. Por ka edhe një lajm më të keq. Nëse korniza ultra e hollë është pika e përplasjes, ekrani i iPhone 16 Pro ose 16 Pro Max mund të shkatërrohet menjëherë.
YouTuber-i AppleTrack shkoi në Australi për të qenë ndër të parët që testoi celularin. Ai realizoi pikat e zakonshme që shihni në video testuese të fortësisë. Me pak fjalë, ai e lëshon celularin nga lartësi të ndryshme për të parë se sa mund të mbijetojë telefoni. AppleTrack gjithashtu hodhi një iPhone 15 Pro të ri në të njëjtën kohë për të krahasuar teknologjinë Ceramic Shield në të dy pajisjet.
Pas kryerjes së disa testimeve, iPhone 16 Pro përfundoi me një problem tepër të rëndësishëm: një ekran jo funksional. Duhet të theksojmë se ekrani nuk ndizej më pas një hedhje nga një lartësi mbi 2 metra në një sipërfaqe mjaft të fortë. Megjithatë nga ana tjetër, iPhone 15 Pro, dhe pse me ekranin e thyer, vazhdonte të mbetej funksional.
Përfundimi që u arrit është se duhet të investoni në një xham mbrojtës që mund të ndihmojë në mbrojtjen e kornizave. Ju gjithashtu duhet të merrni një kasë për të mbrojtur xhamin e pasmë dhe titanin anësor.
