Gjatë viteve të fundit, prodhuesit e smartphone-ve Android kanë bashkëpunuar me kompani shumë të njohura që merren me prodhimin e kamerave për të përmirësuar aftësitë imazherike në smartphone-t flagship. Disa nga partneritetet më të njohura janë ato mes OnePlus dhe Hasselblad, Xiaomi dhe Leica apo Vivo me Zeiss.
Megjithatë një raportim i ri nga Kina na tregon se së shpejti në një bashkëpunim të tillë mund të përfshihet dhe Canon. Në raportim nuk përmendet ndonjë emër kompanie me të cilën Canon është në diskutime, mirëpo për sa kohë shitësit e smartphone-ve dëshirojnë të përmirësojnë cilësinë e kamerave të tyre do të ketë gjithmonë vend për bashkëpunim.
Është e rëndësishme të tregojmë se pjesa më e rëndësishme e bashkëpunimit midis prodhuesve të kamerave dhe ato të smartphone-ve qëndron në krijimin e një algoritmi imazherik apo një software në vend që të përdorin lente të veçanta. Në rastin e bashkëpunimit OnePlus/Hasselblad, prodhuesi suedez i kamerave po ndihmon OnePlus me kalibrimin e ngjyrave për të ofruar fotografi me ngjyra sa më natyrale.
Me pak fjalë, bashkëpunimi me Canon nuk është se do të sjellë përdorimin e një lenteje të re në treg, pasi shumica e prodhuesve do të vazhdojnë të përdorin lentet e zhvilluara nga Sony, Samsung apo OmniVision.
