Nëse po kërkoni një smartphone të ri por keni një buxhet të limituar, Honor sapo ka prezantuar një smartphone që ofron shumë shërbime për një çmim shumë konkurrues.
Honor 90 Smart kushton $250 dhe vjen me një bateri 5330 mAh dhe ekran 6.8 inç. Ky smartphone premton një përvojë të shkëlqyer fotografie për një pajisje të kategorisë budget, me një kamerë 108 MP të përfshirë. Sensori në Honor 90 Smart është po aq i madh sa në shumë pajisje premium, dhe ofron gjithashtu një modalitet nate që do ta bëjë fotografinë në dritë të ulët të duket mjaft mirë.
Por sigurisht kjo kamera cilësore ka nevojë për hapësirën dhe energjinë e nevojshme për ta fuqizuar. Prandaj Honor 90 Smart vjen me një memorie të brendshme 128GB dhe një bateri 5,330 mAh që do t’ju zgjasë lehtësisht gjatë gjithë ditës. Honor pretendon se ky smartphone mund t’ju mbajë të argëtuar për 16,6 orë ose të flisni në telefon për 37,8 orë.
Dhe falë një kombinimi të zgjuar të teknologjisë, kompania premton se bateria juaj do të zgjasë më shumë se shumica e marrëdhënieve të sotme, duke ruajtur battery health në mbi 80% pas tre vitesh përdorimi. Dhe kur të keni nevojë ta karikoni, karikimi i shpejtë 35 W përmes USB-C do t’ju ndihmojë.
Në skajet e ekranit 6.8 inç me rezolucion FHD+ gjenden dy altoparlantë stereo që me sa duket janë 200% më të zhurmshëm.
