Meta ka ulur moshën minimale për përdorimin e platformës popullore të komunikimit WhatsApp. Masa, e cila hyri në fuqi të enjten, ul kufirin e moshës nga 16 në 13 vjeç në Mbretërinë e Bashkuar dhe BE. Shumë personave nuk iu ka pëlqyer ky ndryshim i papritur, dhe grupime të ndryshme kanë kritikuar Meta-n dhe i kanë kërkuar kompanisë të anulojë vendimin.
Smartphone Free Childhood tregoi se ky kishte një shembull i “një gjiganti teknologjik që vendos fitimet e aksionerëve në radhë të parë dhe sigurinë e fëmijëve në vend të dytë“. Një zëdhënës i grupit tha: “Ulja i moshës së përdorimit nga 16 në 13 u dërgon një mesazh prindërve se WhatsApp është i sigurt për fëmijët, por historitë që po dëgjojmë nga komuniteti ynë i prindërve japin një pamje shumë të ndryshme.”
Deputetja konservatore Vicky Ford, anëtare e komisionit të përzgjedhjes së arsimit, tha se vendimi i Meta për të ulur moshën e përdorimit pa u konsultuar me prindërit ishte “shumë i papërgjegjshëm“. Meta e ka mbrojtur këtë veprim, me një zëdhënës duke thënë: “Ne u japim të gjithë përdoruesve opsione për të kontrolluar se kush mund t’i shtojë ata në grupe dhe herën e parë që merrni një mesazh nga një numër i panjohur, ne ju japim mundësinë për të bllokuar dhe raportuar llogarinë. “
Megjithatë, Smartphone Free Childhood vuri në dyshim efektivitetin e veçorive të sigurisë së WhatsApp dhe tha se aplikacioni, si platformat e tjera të mediave sociale, mund të rezultojë dëmtues në shkolla për studentët. Ata gjithashtu shqetësimin se të rinjtë që kanë “akses të pakufizuar në internet në xhepat e tyre” mund të kenë efekte më të gjera në shëndetin mendor, jetën sociale dhe zhvillimin.
Është për t’u theksuar se dhe platforma të tjera si Snapchat, TikTok dhe X, përdorin gjithashtu moshën 13 vjeç si një moshë minimale.
